親人快要不在喇...

其實你講咩都冇用的. 佢唔開心既問題係唔可以解決. 除非佢爺爺好返, 但你知道機會好低. 佢唔開心, 冇胃口亦十分正常. 你可以同佢講 "你爺爺唔想你唔食野的... 你捱壞左身體, 佢仲心痛..." 佢應該會食返少少, 但如果佢真係唔想食, 唔好迫佢啦... 比 d 時間佢諗下野, 你係佢身邊就 ok 了
至於如果一旦佢爺爺去左... 真的只可以講, "唔好太傷心了, 人死不能復生" 等等... 其實佢自己都應該有點心理準備的... 不用太擔心, 佢唔開心真係好正常...

你可以同佢爺爺講,叫佢吾好咁擔心,
吾好想啲吾開心既野,食返多啲野,個人就會
精神返,就快啲好返,到時就同佢去飲茶之類既說話,
或者問佢想食啲咩買比佢食,
而你男友,你同佢講叫佢放鬆啲,吾好想太多,
有吾開心要話比你知,你會喺身邊支持佢,
重有喺呢個時你男友可能皮氣大啲,你要
忍奈吓啦,煲返多啲湯水比佢飲,
自然你男友會感到你既關心，胃口自然會
好番啲架啦！

咁如果......果個爺爺係你GE.....你又會點呀"
你想你男友點呀?

佢爺爺咁鍚佢，你bf唔開心一定有。
不過佢冇胃口唔食野對佢爺爺果病都無幫助，不如你同佢講現在要小心身體千祈唔好病，一有時間就多d去探望和孝順爺爺，如果佢無時間陪你都不重要，最重要是多d關心及愛護爺爺。

適當的關懷係好重要,但係過份架理會佢就會覺得好煩!
同佢講爺爺雖然情況好差,但係佢個心都會掛住你地,就算佢離開左,佢見到你地唔開心,佢都唔會高興,爺爺咁鍚你,你唔可以令佢擔心同唔開心架嘛!
不過呢個情況,講咩野都冇用,你都係唔好成日煩住佢啦,過一排佢自己會好返架啦!

其實你咩都唔洗講,只係係佢身邊陪住佢,咁就得喇!!
咁一來,佢唔會覺得你煩住佢,二來,佢係依個時候陪多D佢會令佢感覺好一D
至於胃口,其實你可以買一D佢中意既野比佢食,又或o者買一D香D既野食比佢,咁會幫到佢食野嫁!!

你同佢講：
「天下無不散之延藉．．人總有離開既一日，但係只要佢（爺爺）在世既時候，曾經開心過、安慰過，呢一世已經係無悔啦！」
而你可以做既野，係你ｂｆ身邊陪佢度過呢個「難關」，佢唔開心既．就俾ｄ時間佢靜下；佢需要你既時候，你就係佢身邊幫佢分擔苦楚！

叫佢順其自然啦，你o吾駛特登講乜o野，只要o係佢身邊支持佢，佢就會有力量。無胃口都o吾係乜大事，佢心情好返自然會食o野。