同唔同呢個朋友吃飯？

家庭及人際關係其他 - 家庭及人際關係

用戶36169

2007-01-16 12:27 am

一個男仔朋友，友情嚴重轉淡，原因不明，總之由刎頸之交變成今天的相對無言，大家都已經唔會主動打個電話同對方吹水。今日，有個中間人(我們都認識)約吃飯，係因為呢個男仔朋友生日，我覺得出來都係表面做戲。不過，如果唔出，之後每次踢波見工都面左左，因為我連佢生日都完全唔俾面。

咁大家點做呢覺得？

回答 (8)

昨天的死仔成為今日的死佬

2007-01-16 6:54 pm

✔ 最佳答案

人際嘅嘢~好難講
有時糖黏豆,有時水溝油
但我覺得在情在理,如果佢生日你都應該去
不竟大家好好歹歹都係一場朋友
你同佢幾唔啱都好,都俾返個面佢(因為佢係壽星仔)
你諗吓,
如果你玩串佢個party,唔妥你嘅唔只佢一個
如果你唔去,你唔俾面嘅唔只你一個,約你嗰中間人都好冇面
雖然大家都知係做戲,但點解唔做得
得睇d,大方d呢?

大家相處係種緣份,要嚟嘅無原因
要走嘅都係冇原因,亦都唔好問點解
既然係咁,不如令自己,令人地開心d

希望你明白我講嘅嘢^^

2007-01-16 11:00:13 補充：
如果你唔去,你唔俾面嘅唔只「佢」一個,約你嗰中間人都好冇面

參考: 分享

👍 0 👎 0

7931

2007-01-20 2:05 am

其實我同你都有過咁既問題, 我就會諗下.我究竟做左d乜野.另到呢個男朋友對我唔揪唔采呢...又或者叫其他人八下.問下你個男仔朋友..探聽下...一來可以知道出左咩事, 二來友情既野好似{住在半邊天既4仔講法} 緣份係盡就盡,,,你咪試下用一顆熱愛既心同佢講﹕[你唔采我係你既損失..你失去我呢個朋友又係你既大大既損失，相信係呢個社會只有我同你係最了解最了解既好朋友..其他人係唔及我地一半呀] 你試下咁樣同佢講.睇佢有咩反應。

👍 0 👎 0

Yeung Shuk Yi Suki

2007-01-18 7:07 am

其實人係有感情的, 人與人相處有人講係一d 緣份, 唔知點解遇上, 唔知點解啱key, 其實你相信一切都係你的"選擇", 同意嗎??

你選擇同佢溝通, 選擇同佢交心, 選擇同佢一齊踢球, 選擇同佢做同事, 今日你係咪選擇由得你和佢"友情嚴重轉淡"???? 原因係咩你係知, 只不過你同自己鬥爭緊, 唔想因為"這件事"為導火缐吧~

我勸你如果佢做的事係你心中不是太過份的話, 你最好放低這件事, 再了解大家多d, 可以的話有日有機會再和佢"討論"下這件事, 可能有你發現原來當日你想的係"多如", 人家可能見你面燶燶唔咁同你傾計, 並不是你想像的呢?

如果你係見你朋友心情唔好而唔同傾計, 你更唔應該想太多, 反而慰問下, 關心下佢多d, 唔好俾佢"誤解"你!!

人生得一知己, 死而後已!
"知己"都係由"普通朋友"而成的!

希望幫到你!!

👍 0 👎 0