買舊VCD

睇黎以上答問題既Joyee小姐係後生女黎喎, 係人都知DVD係好過VCD啦, 不過某些舊電影0係N年前出過VCD,但係斷左版權,之後冇出過DVD版本,所以唔係全部電影都有DVD版本的, 而港產片DVD都係0係約97年左右至出現, 所以之前出既電影係冇DVD版本的(個別大熱電影除外),即使係有, 都係近年重製翻新再出版的。 而呢類VCD不乏話題作或經典作品, 由於追求者眾多,貨源又愈來愈小, 所以都有一定價值, 而以上問題所題及的「靚妹仔」正是其中之一。

至於Joyee提過果d放0係垃圾區得好平果d碟, 都係一些較近期而又未斷版權的電影, 某些更俾電視台日播夜播播到冇人睇的, 又或者係唔多收得, 亦或者係靠薄利多銷賺錢的電影(某些影碟發行商好興用呢種手法, 例如環宇, 鐳射..... d新碟買$39, 但唔駛3個月就跌到$19, 個別電影例外), 總之呢批碟貨源極之充足, 所以價值唔高, 隨時要買就一定買到的。


我答番個問題先, 劉德華果套「停不了的愛」一年前由樂貿影碟重新發行, 各大碟舖有售
http://www.hmv.com.hk/product/dvd.asp?sku=608017

至於四個三十二A和一個香蕉少年係由UFO發行的, 不過呢間公司而家冇出碟, 所以市面上見到呢間公司既碟都係貨尾來的, 所以要到D大型既碟舖睇下有冇貨尾剩低, 但我近年到過各大碟舖都唔見有呢套電影, 但好似見過旺角西洋菜街既廣視影碟專門店有(近星際城市果間), 你可以去試試, 又或者去二手碟舖搵搵,因為未算係絕版碟, 所以都算易搵

以上電影可以試下去HMV搵, 因為佢地入貨都入好大批, 個別電影會有「責貨」既情況出現, 搵到既機會會大D

不過溫碧霞既「靚妹仔」真係絕版喇, 搵倒都好貴, 不過早排見某個拍賣網開價$68, 合唔合理就見人見智喇, 但我可以介紹一個地方俾你, 你可以試下去沙田好運中心既其中一間二手碟舖搵下(全個中心得兩間碟舖咋), 因為果度真係有好多絕版碟, 不過果間一定賣得好貴, 分分鐘過百






一個前碟舖職員+電影迷上

應該冇乜舖頭特別賣好舊vcd播.
不過通常會係舖頭放一大堆好平的垃圾堆,就會有好多冇人要的舊野,
而且亦有機會有人當垃圾丟,被垃圾佬伶去賣,
摩羅街,鴨寮街可能會有,
不過,講真,而架邊有人會要呢d舊野呀,
係都買dvd啦!