隻貓成日係度挖沙盆..搞到周圍都係

貓貓挖沙除左係cover佢地d臭臭之外, 有可能係佢地去唔到廁所.....因為我個仔就係咁, 有一日我留意左佢好耐, 發現佢行出行入個廁所好多次(每2-3個字去一次), 入到去又唔係尿尿, 好似想去又去唔出咁, 跟住又不停撥d沙, 我初時都以為佢係玩, 但無理由第二日都係咁, 咁我咪帶佢去睇vet, 點知好好彩我帶佢睇醫生, 原來亞仔因為膀胱炎呵唔到尿, 所以有d咁反常o既行為....

所以, 如果你隻貓去廁所係無問題o既, 咁你就唔需要擔心, 用3m果d地毯都重會有沙走出黎(因為我地初時都係用lay d假3m), 但我兩個月前買左一塊專比貓去完廁所隔沙用o既地毯就真係好得多, 起碼唔駛日日掃地掃餐懵........佢果隻地毯係好似人地人做草皮咁,約1吋長, 同埋比較硬, 作用係橕開貓o既腳掌等d沙可能跌出黎....約60-80蚊一張!

請問邊度有得買隔沙地毯?我都想買張比我d仔女...唔該!

我隻衰貓都係,不過打過閙過之後就小咗,一見到我就自動自覺唔敢喇!!!!可能你天性啦!!!!

我都係用有蓋既沙盆, 佢都係周圍挖, 去完大小便後都會挖門, 不過我就買左張 $10 既 假 3M 地毯,放在沙盆出面, 等佢出來個陣再可以印下D沙, 呢個方法唔錯架, 有蓋既沙盆又可以無咁大味, 佢響入面點挖都唔會周圍都係啦.....

呢 D 係佢地天性黎 ka. 佢地想隱藏佢地既獵物或者大小二便嘛. 故冇得改 ka la. 你唯有自己遷就 lor. 就係買個種有蓋砂盤. 等佢唔可以將 D 砂挖出黎嘛. 我隻貓都係用個種的. 而且仲係砂盤門口有塊踏板 ka tim. 咁樣唔會帶晒 D 砂出黎 lor.