香港廸士尼好玩心得

一日玩晒基本上冇乜可能,除非你唔買o野,唔同廸士尼朋友仔影相同埋唔睇不定時出現o既街頭o既表演.仲要睇你一至五去定係六,日去,因為表演時間唔同,表演時間你去廸士尼網站睇.
如果唔計買o野,同廸士尼朋友仔影相同埋睇不定時出現o既街頭o既表演大約可以咁:

入去即去明日世界玩過山車->巴期光年->馳車天地.
去夢幻世界,winnie the pooh->旋轉木馬.
呢個時候應該差唔多12點,所以去冒險世界睇獅子王.睇完出黎一定要用跑,跑返去夢幻世界睇米奇頒獎禮.出黎去右手邊有間燒味,最低食,40蚊包湯同熱茶.
食完睇下到巡遊未?未到就去睇3d立體show,玩小飛象,ufo,咖啡杯o黎等巡遊.

巡遊最好既位置係史廸仔個路口,原因唔係最方便睇,係當巡遊完你要去史廸仔度排4:30個表演.史迪仔係全廸士尼兩樣要排隊o既其中一樣設施.

睇完大約到5:00,你要返去冒險世界玩隻船同泰山樹屋.

5:45左右去返去美國大街等睇開燈同落雪.

之後你可以你睇o下仲有乜未玩玩埋去或者買o野,再去睇煙花.

當煙花一完,如果你有同廸士尼朋友仔影相,你可以去另外一樣排隊活動 - 睇相,o向聖誕樹隔離.

呢個時候,你會好倦,好肚餓,所以你可以走,但係你會發覺仲有o的o野未玩,好多地方可以影相冇影,未行過個城堡,冇時間買o野,winnie the pooh太長龍影唔到相.冇睇過街頭表演 - 雜耍,霸王神劍,樂隊演奏,幾個鬼佬唱歌,非洲土人打鼓,同阿push傾計........最後係發現,美國大街好似冇行過咁o既?

然後心諗早之買全年套票啦.

補充答你o既問題:
要提前走嗎？如果你提前走,你就睇唔到煙花,因為大部份人都係睇完煙花走.

有咩一定要玩？
樣樣都要玩,我只可以話我最鐘意係玩史廸仔.

是否不可帶食物入去，面包都唔得？
是否不可以帶水入去？
是否有人檢查手袋？

入去係會檢查手袋,睇下你有冇帶違規o既物品.食物係唔畀o既,水以前話唔畀,但係我試過佢睇到都冇理.其實佢檢查只係由你打開望一望,所以........
如果想帶麵包,你可以收o向個身度或者放背包暗袋度.如果想囉燒豬咁誇張就咪搞喇.

請問去過香港廸士尼的朋友，四個人星期日在廸士尼，點樣可以最好玩？
一入到去,拎張時間表(因住d show)嚟玩.
我地會係旺角坐廸士尼巴士入去，出返來的時候是否很多人等車？要提前走嗎？
要提前走.
最好幾點去到？第一樣玩咩？
一開埸就入去,第一樣玩咩冇所謂,(因住d show)嚟玩就ok
幾點走？最後又有咩玩？
最後冇嘢玩,(睇煙花)搵靚位
有咩一定要玩？
過山車.
是否不可帶食物入去，面包都唔得？
食物一律不可帶入去.
是否不可以帶水入去？
只可以帶水入去.(園內有免費水機)所以可不帶
是否有人檢查手袋
入場有人檢查手袋.

如果星期日, 開放時間為早上10:00, 如果係旺角坐廸士尼巴士入去, 去到可能巳是10:30, 所以我本人認為可以的話, 坐地鐵會好D, 最好係9:30巳經到, 再queue up 去到入場剛好10:00, 因為如果人多, 他們會提早開門.

每天早上一入門, 會有好多廸士尼人物在大街前出現, 你們如有興趣, 可2人排隊, 另外2人往Buzz 取 Fast Pass. 如果無興趣, 可直接前往玩Buzz, 因為很多人都視Buzz為第一個game, 所以如果取Fast Pass, 你便可直接玩其他games, or 去睇Stich show, 到指定時間內再玩回Buzz..

有幾個shows 你是一定要睇, 可以說是百看不厭 (我去了五次廸士尼, 每次都有看), 如米奇金獎音樂劇, 米奇幻想曲, 獅子王, all are GREAT shows...

廸士尼是不可帶食物入去, 但每人可帶一枝水, 因為會有人在門口搜查你的袋子.

最後, 一定要睇完煙花先好走, 好好睇. 因為有好多交通工具, 都唔會太多人.

記著, 如果見到心愛的記念品, 不要等到煙花後先買, 因為實在太多人.

ok.. enjoy your trip then.

是有人檢查手袋,,不可以帶水入去,,不可帶食物入,,去面包都唔得