溫書溫一陣就會分心加好似好累咁，有咩方法解決？＜４０分＞

其實我好多時都係咁..
所以一夜晚就會覺得 "死啦~好多野未溫!!"
跟住夜晚就係到捱夜溫書~咁樣我先溫得入腦唔知做咩

首先你要同自己講要專心d啦
而且個人認為最好唔好坐係電腦面前溫
因為無論電腦有無裝game都好~我都覺得太多野禁
係一個引誘~其實如果你想查字典
你可以用一本本個d~又或者
你可以o係溫之前查晒你唔識個d野
跟住就熄機~去一個安靜的地方溫~例如係自修室,圖書館
如果你覺得溫溫下好辛苦~你都要迫自己
每溫半個鍾就休息一陣~5至10分鍾到
跟住就慢慢加時咁吧~
又或者~你可以比個目標自己~
例如係~每溫完兩個鍾或者溫完一課咁~
你就獎勵下自己,食一粒自己鍾意食的糖
溫個陣一定要o係一個安靜的地方溫 ,如果唔係好難入腦
同埋覺得辛苦都好~都要迫自己
我自己都唔鍾意溫書~次次考試都想死咁
咁我就次次同自己講~"溫完就有得訓覺啦~要溫快d"
跟住有時考左幾日之後~我又會同自己講~
"仲有幾日咋~捱埋呢幾日就可以去玩啦~要加油"
而如果你溫溫下覺得累呢~你可以比自己小休下
最好溫完一個限定時間或者考的範圍先吧..
當然啦~溫書之前最好有充足的睡眠
如果你生理時鍾都ok正常的話~
我係網上聽人講過~
最好的溫書時間係o係朝早
(不過我唔記得左幾點至幾點了..)
同埋下午~好似係4點幾至6點幾個段時間..
不過我真係唔記得左..我諗係大約的..
同埋~個人覺得~上堂留心d~返到去重溫一下
會增加記憶~我試左一排,真係得
溫個陣都覺得熟d
同埋之前睇新聞~有一對父母每個星期六日朝早6點至11點都要佢地的仔女溫書
溫完就可以去玩~
其實呢d你都可以試下

希望幫到你^^

2007-01-15 18:39:49 補充：
發白日夢...其實我自己好多時都會但係其實本身都知道自己有呢個問題咁就要自己去壓制下自己..要自己專心我通常都會同自己講"無時間啦仲發白日夢!?溫晒書就有排發啦"其實我覺得~發白日夢~真係應該自己去迫自己唔好再發你自己都知道本身有呢個問題咁仲好~我覺得呢d真係要自己迫自己無咩人幫到自己ga...又或者~你本身o係一個人面前會特別乖d 的話你可以試下搵一個人睇實你ga...例如係阿媽呢d吧@@"

agumonlun講得非常好，雖然我仲未做到咁……
我認為除左agumonlun講ge要自己逼自己外，有一樣野好重要，就係培養情緒。
有時，我地係開始溫書前會做好多野，例如睇放學返屋企、行街、睇電視、聽歌等等，這些事情都會令我們的心神集中在此，因為較舒適的事愈令人集中去做，好像打機。所以在溫書前一粒鐘都唔好有咁多娛樂，試下睇陣小說先，休息陣先，或者去下廁所，之後平靜落黎先溫習，咁ge效果係最好架，因為我試過考試前一日晏晝溫書，係溫書前沒任何娛樂，而且有堅定決心，堅決要溫書，溫左半粒鐘，又休息五分鐘後又溫，如是者，溫左三科，2點幾溫到夜晚12點幾，第二朝考得好好，三科都好好。
所以，要培養好溫書ge情緒係非常重要架。

2007-01-19 17:43:05 補充：
其實發白日夢係幫助思考架，發多d增加我地ge邏輯思維，呢樣係真架。當然，發得多梗係晒時間，所以若發白日夢時，最好去廁所洗洗面，整到自己精神d，咁先可以集中去溫書，如果唔係會成日分心，諗住其他野。如果遇到唔識ge野唔好諗太耐，諗諗下會諗到好累，自然會分心，咁就會發白日夢啦。所以唔明白ge就抄低，遲d問人仲好。

2007-01-29 23:40:11 補充：
多謝你ge讚賞，就算得唔到最佳，我都已經好開心。因為你ge讚賞，我受之無愧。謝謝！