大家樂是否觸犯法例

我成日幫襯大家樂的，我有個小問題想知：

１，你所講既「滑蛋炒飯」係咪即炒果隻滑蛋牛肉飯（＄２８－３０）？定係燴飯果隻（＄１９－２１）？（以你所講應該係燴飯果隻）
２，佢係咪未咨詢你既意見就整左個飯俾你，之後至同你講冇干炒牛河呢？

如果佢真係未問過你就俾個燴飯你，又或者整好個飯至同你講冇貨焗你收貨，咁我有幾個建議俾你：
ａ．退款，貨不對板時你絕對有權咁做，就算佢真係做好左個飯，你都可以話知佢，話晒人家都係大公司，唔通好似ｄ黑社會咁俾盆吉你再屈你一千幾百咩？！
ｂ，退回差額，如果你真係好肚餓或一時心軟想要個飯既，你有權要求收番個差額，理由同上；
ｃ，投訴，如果你覺得ｄ職員處事手法有問題，可以要求見經理，或者打電話上公司投訴「２６０１　７７７０」，千祈唔好寫「顧客意見」果ｄ紙仔，未必有效，如果打上公司都冇效既，可以用消委會個名兇下ｄ職員，因為大公司最怕將小事鬧大，而大公司搞到上消委會一定好大件事；

有時出去消費，如果發覺利益受損可以用好多方法追討，因為有ｄ服務業人士專蝦外表林善既人，必要時你可以扮個有ｄ嬲有ｄ惡既樣同佢地理論，但切忌即場發爛渣，你先發爛渣既冇著數的。

仲有投訴前要掌握多d証據, 例如收據,錄音紀錄,相片等, 你買干炒牛河將飛仔都可以, 咁成功率會大d, 之前我都試過0係大家樂買外賣,在炒飯度有塊表面積1cm左右既蛋殼,之後用照片和原盒飯拿去分店投訴(有扮小小惡), 當然d職員道晒歉兼換過盒飯俾我啦

記得消費者要據理力爭^^


以上係我多年服務業經驗+去大家樂投訴人既心得分享, 原創答案切勿抄襲。


http://www.cafedecoralfastfood.com/chi/main/index.jsp　　　←大家樂網址，你都可以用e-mail投訴

最後一個問題, 你去邊間大家樂分店幫襯架? 等我順路經過時留意下

2007-01-14 23:44:11 補充：
答漏左小小，呢間大家樂既行事方式有欺詐成份，但咁小事警方未必受理（咁既情況警方都係叫人去消委會投訴），搵律師告人又大單左ｄ，所以都係用以上方法處理啦。呢單野你冇錯，絕對可以投訴，唔駛怕羞的。

2007-01-14 23:46:16 補充：
http://www.cafedecoral.com/web/contact.jsp　　　　←大家樂e-mail

2007-01-17 14:40:58 補充：
又補充小小, 可能係個別員工有問題, 未必關乎整間大家樂既服務質素, 又可能有員工想玩「落格」至會有咁既情況, 不過收銀與廚房係兩個唔同既職員負責, 所以落格既機會其實好低, 除非兩班人夾埋啦不過咁, 大家樂果邊堅持唔回水俾你就一定係犯法, 正如黑社會咁夾硬俾盆吉你再屈你一千幾百, 除非你唔記得左回水就另作別論。仲有你之前果兩單野應該追唔番, 因為叫回水既問題最好即時處理,如果唔係既都幾難追。

正常計應該叫你自己去收銀那裡退款喎~ 我認為就冇觸犯法例了，因為這是在雙方同意下的協定，除非你認為大家樂有全心欺騙，這樣就有機會觸犯法例。

其實價錢不同是可以退錢的,為何你當時不要求呢
這是你的權利

一定未觸犯法例
你可以要求退錢的

it is not觸犯法例
it's 服務 is bad

咁你可以要求退錢的