素描入門課程一問

普通 紙同筆就得…，佢有可能會俾畫紙你。不用擔心。

另…這類基礎course無話得唔得。想當年我去工聯會學時，個老師自己有在出面開畫班多年，所以師資係ok。

只是…如果是基礎素描的話，上完一個course其實只係識得基本素描技巧，要畫油彩唔係唔得，但…要畫寫實的油彩就難d，一來既是素描基礎未係好強，二來是色彩的運用也未有基礎。但若只是畫油彩（使用油彩這物料）的話，無話唔得o既﹗

學油畫前報讀素描初階當然好啦，但最好讀埋進階^^。因為，初階學習基礎、比例、透視等，進階就會學習光暗調子、質感...
而油畫好講色彩、光暗調子等，所以學習初、進階是對你很有幫助。所以油畫班就再過多一期先報吧~

其實，老師是會在第一堂跟你講解素描的姿勢、用具，所以你不用急買太多用具。(有許多同學就是太心急買，而買了不太適合的用具，如不適合的擦膠、紙筆 、泥膠等)。

因此，你只須買4B、2B、HB、2H鉛筆就可，***不用買全盒***(最常用的品牌子是STAEDTLER施得樓)(文具店或專業藝術店舖有售，如旺角的廣益、ART SUPPLY)；而畫簿可買小學用來的畫簿就可了，不用買太貴，SIZE約是A4左右(因一堂的時間不多，不會畫好大幅畫)，有鐵圈會較好、方便保存畫；擦膠先用普通的，不要在第一堂前特別買。
至於擦膠、紙筆 、泥膠等就待老師第一堂介紹後才買吧。

希望幫到你吧~