澳門演藝學院

澳門演藝學院係統稱，入面分有音樂學院、舞蹈學院同埋戲劇學院。

每年既七月份會開始招生，截止日期年年唔同，不過大約在八月底。

舞蹈學院比較easy，只需要面試及交個人簡履，當然要填報名表啦，但只收小朋友，除非你已經有一d關於舞蹈既成績~

戲劇學院交都係報名表同簡履，亦要面試，面試時要交出一份自己寫不過200字既文章，再面試，一般都係一班人(10-15)一齊面試，一齊做一個臨場發揮既劇目，再由老師選出合格學員。

音樂學院同上，面試內容主要係考你既聽力、音感同樂器，如果你唔識樂器都唔緊要，因為只可以報初班。

學制分十二年，第一至五年係初級，五至八年係中級，九至十二係高級(演奏級，你讀得過八年已經好勁!)

報名費唔收，不過考一科要交澳門幣50大元....

仲有，好似只收澳門居民喎?

想要更多詳情或者資料，可以去www.icm.gov.mo (澳門文化局網站，再click入佢既演藝學院分頁)。

祝君好運!

p.s. 澳門演藝學院經常更改學制，我以前讀音樂學院讀左五年就改左三次，雖然師資幾好(多數係北京同上海既頂級教授，亦有一d係從東歐黎既音樂演奏家)，但係由於上下級制唔完善，讀到好鬼無心機。