關於「1+1=幾多?」既笑話

我唔知係咪呢個版本，但我聽人地講ｇｅ都係呢個。

有一日，老師問小明１＋１等於幾多，小明唔知道，老師就叫佢返去問下屋企人啦。
返到屋企，佢問阿媽：「一加一等於幾多呀？」阿媽睇緊一個教煮餸ｇｅ節目，於是就話：「加ｄ鹽，加ｄ醋，再加ｄ糖。」跟住佢有問阿爸啦：「一加一等於幾多呀？」阿爸睇緊馬，就話「快ｄ！快ｄ！」之後佢又問家姐：「一加一等於幾多呀？」家姐同人傾緊電話，就話：「咦～你好衰架～」
第日返到學校，老師又問佢：「一加一等於幾多呀？」佢就話：「加ｄ鹽，加ｄ醋，再加ｄ糖。」老師聽到之後好嬲，就話：「你咁頑皮，我要帶你去見校長！」小明就話：「快ｄ！快ｄ！」跟住去到校長室，老師同校長講完之後，校長都好嬲，就同小明講：「你咁頑皮，我要趕你出校！」小明就話：「咦～你好衰呀～」

2007-01-14 17:55:48 補充：
打錯字，應該係：跟住佢又問阿爸啦

呢d邊有話原本既版本嫁....~~又冇版權