手油技巧一問（模型）

首先，新買既模型筆應該先用肥皂水清洗後先用，咁會減低起泡既機會。
第二，塗膜表面凹凸不平，係因為模型油太杰，最好將模型油以一份稀釋劑加三份模型油溝稀，然後上色時先用平筆單一方向塗上底色，然後再反方向塗多一次，咁樣效果會好D。

如果講油性，Mr Color係好過Tamiya；相反水性就以Tamiya好D。

噴罐有大量顏色選擇，你以上提及既都有。Tamiya既顏色選擇較多,但只係分Gloss(光澤面)同Flat(啞色面)；Mr Color既顏色選擇比Tamiya略少，但有大量Semi-Gloss(半光澤)供選擇。你問邊隻好就視乎你係砌乜野模型。

如果你想蓋底色，千祈唔好用白色噴罐，因為你要噴好多次先蓋到，好浪費！你應該用Mr Color隻Surfacer噴(俗稱噴灰)。