被騙了~~ 怎麼辦?

1.) 我覺得你拎返個副本都冇用, 因為佢可以自己影印無限張.

2.) 你可以去你開戶口果個銀行度同佢講唔想做任何自動轉賬, 問佢你個銀行戶口有冇d咩自動轉賬申請, 佢o地o既電腦可以check到, 如果check到有, 即刻cut o左佢. 如果冇, 同銀行講你唔想做任何自動轉賬, 如果之後有o既話, 要立刻通知你, 同埋立即幫你cut o左佢.

3.) 你先打電話俾果間公司, 直接問佢cut o左果個療程要做咩手續, 如果佢話冇得cut, 你要好決絕咁話一定要cut, 同埋唔會俾任何錢佢(呢個最重要), 同佢講一定要cut o左你o係佢o地公司個account, 如果唔係會採取法律行動. 有乜理由唔俾你cut先得ga, 係咪先?

4.) 如果佢話要你上佢公司辦手續, 你一定要搵個成年o既朋友陪你上去, 最好呢位朋友係堅決o既人. 咁你o地就算再上去都唔會再咁易俾人再呃到 or 嚇到. 不過最好同果間公司o係電話傾果時同佢講話你唔得閒再上佢公司, 可以的話, o係電話度同佢傾睇下可以點樣即刻cut o左佢, 盡量唔好再上去果間公司喇.

5.) 成功cut o左你o係果間公司個account後, 問佢o地會唔會再用返你o既個人資料, 如果會, 問佢o地會用o黎做咩(問o左佢o地會用o黎做咩先, 睇下係有咩d咩範疇, 以後遇到d咩事都可以知道係咪佢o地做). 之後就同佢講你唔希望你o既個人資料會外流或用作其他用途, 無論任何途徑 or 目的, 都唔可以用. 如果唔係會投訴佢o地 or 採取法律行動.

以上各點, 講o既時候要淡定決絕. 唔使驚ga, 你冇錯, 你係消費者, 大條道理cut o左個account. 佢唔俾你cut佢o地就有問題喇, 可以去告佢.

Good Luck!
以後唔好再咁易信人 & 耳仔軟
如再遇到咩問題就要搵"大人"幫手喇

我都覺得你去報警

你好呀.....我都覺得你去報警......不過又唔好再上去啦....
你報咗警...警察會教你點做.....如果你或朋友上到去都唔知會發生咩事?

2007-01-14 02:16:28 補充：
你真係簽咗"分期付款" 表格,你快D去銀行取消啦.

2007-01-14 02:16:46 補充：
你真係簽咗"分期付款" 表格,你快D去銀行取消啦.

2007-01-15 01:53:39 補充：
睇你咁講,你唔駛驚,你上去拿返啲"分期付款" 表格正本副本全部拿晒立刻走啦.以後再有人打俾你,你可以唔睬佢地架嗎?你見到鬼仲唔怕黑咩.我上星期有間美容完又係要我做分期美容,我都推左佢地.唔知係咪同你個間?

首先，我諗你應該去報警先，起碼可以令到佢地唔會亂用你的資料
然後，再搵幾個朋友，一齊上去攞返 d 文件，而朋友就要唔怕俾人兇，因為人地一定會聲大夾惡，如果頂唔順，去左等如冇去，分分鐘仲有機會俾人屈，唔得的話，就賴死唔走，再報警，等警察來再解決件事。
如果有簽到自動轉賬的授權書，就立刻打電話去停左佢，如果唔係，俾佢過左數
就算追得返都有排你等