我想問關於玩具貴婦狗

買狗邊到買都唔會有保證, 一定有風險, 話比你知係邊間買唔會比人呃, 但你黑仔狗狗生病你都會覺得佢係黑店! 但我覺得你一定要純種玩具貴婦的話去寵物城買, 佢既狗狗全部澳洲入口, 入口時要有獸醫檢查及健康證明先可以入口, 咁樣好似有保障好多! 但要比萬二三蚊, 睇下你覺得值唔值喇, 我覺得ok, 但我無咁多錢!

但另一件事就係買咗狗狗後, 你抱佢返屋企途中係空氣感染到細菌病左咁點呢? 或你養佢兩三日但冷病左佢又點呢? 有個明星"嫁咗比富豪果個"係日本買咗兩隻名種兼純種玩具貴婦, 比咗五萬蚊, 返到香港一星期死咗, 原因係日本人為咗令狗狗細身, 一星期先餵佢食一餐狗糧, 到最後黎到hk死咗, 佢渣都無呀! 幾錢都好難保證, 買狗只可以講緣份及彩數, 佢用咁多錢係咁出名既繁殖家到買都有問題, 好難講架!

如果你真係比人呃咗迷你扮玩具的話, 咁咪當緣份囉, 迷你都幾好丫, 起碼硬淨d, 身體健康d, 唔洗咁驚佢病病, 點解我咁講? 我咪就係比無良狗舖呃話玩具貴婦, 養養下變咗迷你貴婦, 如果你唔想去petshop買, 係yahoo search玩具貴婦總會個web site, 好多養貴婦的人都係果度傾計, 放下聲氣睇下有無狗狗生咗囉, 或者買本寵物雜誌睇下後頁d人登廣告囉! 但一樣無百份之百既保證架!

阿sa成日抱住果隻夠話玩具貴婦啦, 咪又係迷你種, 養得開心, 狗狗又聽話咪得囉, 你驚比人呃, 不如索性買隻迷你啦, 又平d, 又唔會担心!

狗場先無保證, 你去過包你唔敢入去, 有好多狗場無牌經營, 狗狗只係生殖機器, 大半世狗只係籠中渡過, 食又果度訓又果度, 生到殘就比人揼出街, 咁樣幫狗場搵錢, 都落得如此下場, 當佢落得地果日就係比人遺棄果日, 兼且狗場無牌係唔會比陌生人入去架, 衛生環境惡劣! 又臭又污糟! 生咗既bb都好易感染到病! 你會去買咩?

我之前都比人呃,後來去 Dog One Life 買,信心有保障,但貴, Local $15,000, 澳洲要$33,000. Auctually, local 的 size 比澳洲 的小.

其實, 迷你同玩具貴婦狗, size相差唔係好遠,
如果你願意比10,000-30,000
寵物城的確係比較有信心Dee Dee.