凱悅酒店的自助餐

你講尖沙咀間凱悅酒店(HYATT REGENCY)定係灣仔會展隔離那間君悅酒店(GRAND HYATT)? 如果係GRAND HYATT的話唔知你食夜晚定係TEA? 佢好似唔止一個地方有buffet食, 我只食過Tiffin Lounge同Grand Cafe.

Tiffin Lounge食甜品buffet, 我食過tea同夜晚, 每人二百幾, 當時tea同夜晚一樣價錢, 而家唔知喇. D甜品好正! 我覺得佢係甜得來好優雅咁, 好能夠帶出每款甜品材料本身的味道!! 唔似其他地方D甜品得個甜字! 不過我本身唔係咁鍾意食甜品(但都覺得佢好食!!:), 所以覺得佢D鹹點太少 (得十幾隻cheese同餅乾係鹹點, 其他都係甜品!!) 雖然佢d甜品係不停咁出, 但好少重覆, 所以如果特別偏好某種甜品就要拎多件, 否則轉頭未必再見到喇! 但又要留肚喎! 因為唔知後面有咩甜品會出.

Grand Cafe食一般buffet, 我比較喜歡在Grand Cafe食多d, 因為唔單止得甜品. 我覺得佢種類好多, 無論鹹點熱葷同甜品都係. 每人四百幾. d食物係不停咁出, 又係不時有d新種類出, 好開心! 食品種類太多不能盡錄, 但我可以講佢d食物質素非常非常之好!! 服務生的態度都非常好, 我覺得好過Tiffin Lounge. 不但手腳快, helpful, 我o地出哂去拎o野食佢更會幫我o地睇住d袋! :)

如果你係要多種類既話
Grand Hyatt唔係太適合你
但係如果你係重質既話就唔錯
佢既food quality非常好
比Conrad好0的0野食亦都比conrad 既buffet有特色
由沙律冷盤都熱盤粉麵甜品都唔錯~
強烈推介佢既Goose Liver Pete
沙律,花膠雞湯同綠茶紅豆蛋糕

但係我無記錯既話佢唔會日日都係0個0的0野~
佢會有0的新0野間唔中換下出哩
因為佢0的0野係比較跟season