求救! 何時需要做十字韌帶手術?

我男朋友半年前因為踢波而要斷左十字韌帶同埋傷左半月板, 兩樣都做左手術, 希望意見可以幫到你

1) 斷左十字韌帶係可以唔洗做手術, 但係如果你依然係年青時期, 其實我都建議你做囉, 因為十字韌帶斷左對行路呀o個d野係無影響, 但係如果你要運動就會唔安全, 因為斷前十字韌帶係會影響你跑步gei停止功能, 前十字韌帶就即係你gei brake, 你唸下你打網球跑步起左跑, 但係有一隻腳無左brake, 其實影響好大ga... 你話純做物理治療有無效呢, 其實真係唔係咁得囉, 因為你唔係撕裂, 係斷, 如果撕裂會有機會可以自己好返d, 但係斷左就唔得喇

2) 其實斷前十字韌帶對你行路係無影響, 只係跑步有問題 (無左brake, 唔識停) 你遲d做手術唔會有咩大影響, 不過斷前十字韌帶係好似你拉斷左條毛巾咁, 會有d一絲絲gei破口ga, 咁其實一直留o係你個腳度都唔係咁好, 係應該要車返靚, 等佢平滑返, 因為都以免o個d破口會影響你膝蓋入面gei其他部分, 而且你要知道...做完前十字韌帶手術, 起碼要休息一至兩年先可以做返運動ga, 做完手術如果好得快gei大約2-3個月可以開始正常活動, 第4,5個月左右先可以開始慢跑, 咁到可以正常跑, 都要差不年幾, 再到到要回復比賽水平..真係講緊起碼都要兩至四年時間囉... 所以你要考慮下喇

3) 私家醫院做大約所有野加埋晒, 出院係5-7萬不等, 至於你話下次再傷去政府醫院呢...除非你對腳斷左啦, 否則前十字韌帶手術排期時間係多於一年 (所以我男友o個時都去私院做)

4) 承上答案已經提過, 前十字韌帶係你膝蓋gei brake, 你跑步時無左brake去幫你停低, 當然係會更易傷到一個部位甚至更多其他部位啦, 例如半月板o個d

um...如果你真係要d意見, 其實我都幾建議你做手術囉, 因為始終你係運動員, 無左十字韌帶幫助你...基本上你都唔可以再點做要跑gei運動.. 對運動員黎講, 斷十字韌帶其實係幾嚴重, 你要認真考慮下
(最後如果你真係要做手術, 又想搵私家醫生我都可以介紹俾你, 佢幫我男友做手術做得好好, 價錢都合理gei, 有需要出聲喔~)

衷心希望你早日康復!!