我想問澳門.......

應該唔係”紅街屎”，係紅街市（正式名稱係：罅些喇提督街巿－－因為位於罅些喇提督大馬路上而得名）．
紅街市唔係一條街，而係一個”市場”（街市，Market），因為佢既外牆係由紅磚砌成，而致整幢建築物外表係紅色，所以被稱作紅街市）．
但係由於澳門同香港唔同，冇好正式既分區（傳統官方既”區”係以”堂區”黎分既－－即係以教堂管轄教友既區作為標準，但係一般市民腦裡面都唔會好有堂區既觀念），而紅街市因為好出名，慢慢已經變成o個附近既地方既一個統稱啦．
即係日常對話中，會有類似：”住響邊呀？”，”紅街市！”

"紅街市"(唔係"紅街屎")係一個"室內既街市"，類似香港既一般綜合街市，位於提督大馬路，正確講應該係"提督大馬路"、"高士德大馬路"、"提督市東街"及"提督市北街"四條街所包圍，但係入口就只位於提督大馬路以及提督市北街。

名字由來因為外牆全塗上紅色，最近亦已完成翻新工程，所以更"紅"!

街市只有兩層，底層賣菜、乾貨以及海鮮類，樓上一層賣肉類。街市外圍有好多花檔，亦有幾檔賣生果以及糖水既舖頭、神香舖。

著名既"龍華酒樓"(周潤發曾經去過，而家亦經常見到蔡瀾)同埋"矮櫈咖啡檔"亦在旁邊。

澳門亦有其他既街市:
水上街市-海鮮類價格較平，在內港碼頭附近
營地街市-數年前重新興建，共有四層連地庫，頂層係民署綜合活動中心，位於議事亭前地旁
祐漢街市-北區著名街市，貨品平，旁有熟食檔，低食夾大件，頂層亦有活動中心
下環(臨時)街市-舊街市已拆，現為臨時街市，近媽閣
台山街市-重建後的街市，但規模較細，在跑狗場旁邊

離島(氹仔)亦有一個名為"嘉模街市"，在手信街(正名係"官也街")旁邊

紅街市係一個街市來的
不是一條街名