我想問有穿過高跟鞋的女生們一些問題!

呢個係習慣囉~
其實慣左會好好多架!
不過你第一次著, 真係唔好著咁高會好d囉~
唔係真係勁辛苦架
1. 尖頭鞋其實會壓住d腳指架!
長時間唔上會腳痛, 仲有機會引起腳指變形、踇指外反等腳部疾病
到時仲痛!
所以最好唔好成日著喇~~
同埋儘量揀d唔好太尖既鞋款
好似有d款鞋頭較尖長, 但就唔係好似普通尖頭鞋咁成三角形
呢d會好著好多, 又有尖頭鞋令對腳更修長既效果
(呢d款staccato有, 而且好似得佢有... =.=)
2. 高跟鞋好多時會令人行路既時候重心移左去前掌
亦都會令腰部受到更大壓力
所以會比著平底鞋更易累同有腳痛、腰痛既情況
加上幼跟會令平衡身體變得更難, 步姿有少少唔正確引起既問題都會更加明顯架~!
反而粗跟會好好多
3. 我諗你對鞋鞋跟位可能造得唔好呀! 所以唔可以扣住你個「爭」位
同size關係不大, 係對鞋本身既fitting做得唔好
一般平價鞋好多時都有呢個問題架, 貴少少既鞋(~$200-300或以上果d)都通常唔會有呢個問題
你可以試下用後跟墊, 會有少少幫助, 但唔一定得
有時著鞋會「刮腳」, 係因為d皮未軟, 著著下會冇事
都可以著之前用棉花濕d酒精(火酒)按住果個位, 濕濕d皮, d皮就會軟d冇咁易刮腳架喇
如果都係驚佢刮既, 可以先係對腳度貼定膠布 (用有彈性、布面果隻效果好d), 會冇咁刮同冇咁易損
其實你要著多d, 等對腳習慣左, 佢先會冇咁易痛架
所以你平時係屋企可以著黎行下練習下
真係有用架!

任何女仔都想擁有一對高踭鞋，不過第一次就最好搵矮而且粗既鞋踭，仲可以試下d船踭添，因為著開平底或者波鞋，要下子轉著高踭，任何人都受唔住。
1. 一般尖頭最好係買大一個碼，另外如果你隻腳係比較闊頭，就盡量唔好搵太尖啦！
2. 如果係腳趾痛，就係關對鞋頭太尖問題；如係腳板底痛，絕對係因為你未習慣著高踭鞋 既關係。
3. 如果係甩鞋踭，你可以去萬寧或屈巨氏搵一隻鞋貼，佢係專比d甩踭鞋用。

希望可以幫到你啦
40+

你第一次著高睜鞋就唔好著幼睜la
兩寸唔會太高但你第一次唔應該著幼睜
至於你講果Ｄ現象
我諗係你自己心理反應
著高睜鞋行長少少時間係會痛架ｌａ
盡量行一陣要休息一下
你唔習慣著尖頭鞋就唔好勉強自己
尖頭鞋係靚
但係人著鞋唔係鞋著人
人有權揀岩自己著同著得舒服既鞋
唔好因為貪靚而搞到自己唔自在
而所謂既偶像
千其唔好盲目崇拜同模仿
尖頭著舒服果ｄ人
係習慣成自然
你想著得靚又舒服
就要訓練下自己著尖頭鞋喇
多ｄ著但記緊
好痛就要休息下
ｒｅｍｅｍｂｅｒ唔好勉強自己！
總之你著得多就會著得好兼行得穩
唔好一試就試三寸以上睜既高睜鞋！