點解會有禁忌ge出現

"禁忌"可以分為好多層面; 衣 / 食 / 住 / 行 / 幾乎樣樣都有佢地嘅存在. 而且0係唔同嘅文化圈子(例如回教地區同歐洲地區同南美同亞洲); 都有唔同.

簡單來講, 禁忌並唔0係一定係"迷信" OR "唔理智" 嘅產物. 正正相反, 好多所謂嘅 "禁忌", 係每個文化社會就住自己當時當地嘅境況, 凭藉前人經驗所累積到嘅知識 (注意, 唔一定係要"科學咁解釋到"嘅知識), 所歸納出來的 約條, 希望(果個社會入面嘅)其他人都唔會去做某一樣野. 禁忌之所以出現, 最重要一個原因0係因為當時當地嘅社會普遍都認為並接受咁嘅行為 / 做法 會對社會嘅某一樣野造成損害...但又唔可以好邏輯咁解釋到點解咁做會唔好, 所以就 "約定俗成"咁變成 "禁忌"了~

以上咁講可能都係理論左d, 唔太明可以睇睇以下例子:

大家都知0係印度, 牛係神聖嘅生物. 任何意圖OR企圖偒害牛的行為都0係禁忌. 其實, 咁係因為0係以前, 牛對於印度人嘅日常經濟生活有超~~~重要嘅作用. 一來佢地可以產牛奶, 二來可以幫拉車, 三來連DUM出來嘅糞糞都可以用來做耕田嘅肥料....自自然, 呢種動物就變成印度人重要嘅"寶物"...久而久之, 將'寶物'神化, 話唔可以傷害佢地, 就好自己咁出現左"傷害牛是禁忌"咁樣嘅野啦~

其他文他圈子好多所謂嘅"禁忌", 亦都0係有相似嘅出現原因. 一係同當時經濟活動有關, 又或者係政治考慮等~~~總知一句, 因為好多呢d "禁忌"嘅條約都同超自然力量扯上關係, 咁人唔多理解時, 咪會真係照做囉 (因為驚唔知有乜唔好後果嘛~)...所以, 禁忌嘅出現, 並唔0係唔理性OR迷信...相信, 可以話係一個文他圈子好"聰明"嘅教導後人唔好去做某d野嘅方式之一~ ^^"

不過最後補充一點: 話明係岩用0係當時當地嘅社會, 咁隨住現今社會改變, 禁忌都會變的. 有d我地可能已經唔再當係一回事, 但有d又可能會以另一種形態"番生"...研究唔同時代唔同地方有乜"禁忌"出現過, 會有可態窥見到當期時果個社會嘅文化結構, 係好有趣嘅事黎o架~

中國古代以農立國, 有冇野收成都係睇個天做人, 當時覺得人好渺小, 因此會覺得個天會比d signal 佢地, 有d乜野你做左個天會唔高興, 會罰你架. 咁arm有幾次又中喎, 以訛傳訛之下就變成禁忌.

但事至今日已經有好多唔同既宗教, 甚至有無神論者, 禁唔禁忌呢d野都係信則有不信無.

中國人的迷信!

可能古代的人做過一樣野，恰巧有不幸的事，
ｄ人就以為係佢做左錯事
到有人想做，佢就叫果ｄ人唔好做
就係所謂的禁忌

因為中國人迷信