✔ 最佳答案
我無sign up過呢個計劃﹐但靜睇網址我覺得有D騙人既成份﹐目的係螺到有興趣既人D資料然後螺去賣。
我或者係錯﹐但網址裡疑點重重。
疑點一: 根本就無途徑去聯絡佢地。
你識下按"聯絡我們"個度﹐會彈左去填寫你D資料個度。正常既公司唔會甘做。"聯絡我們" 應有公司D聯絡電話等等。
疑點二: 合作商機?
如果你去佢"合作商機"個度﹐又係叫你填寫你D資料。同埋咩係"合作商機"? 者係有錢齊齊搵? 甘益你呀。
嘩﹐乜原來合作商機仲包埋培訓添。重唔係袋錢入你袋。
疑點三: 紐約証卷交易所上市公司?
成個網站終於都有介紹間公司啦- ‘我們是紐約証卷交易所上市公司, 業務遍佈全球超過60個國家, 以一對一的顧問形式, 協助每一位認真的顧客.所以加入我們的首要條件是 - 認真. ’
首先﹐真係大既公司唔使周圍同人講係紐約証卷交易所上市公司。
第二﹐加入佢地間公司的首要條件是認真﹐但係佢地甘請人法真係唔多認真!
疑點四: 連間公司命名都無!!!
我找遍成個網站都搵唔到呢間紐約証卷交易所上市公司叫咩名窩!!
唔通係叫做"你的健美體態公司"? "Your Healthy Shape Ltd."??
提醒大家唔好甘容易受騙﹐慢慢睇清楚先。 互聯網好多騙人黨架﹐街上D騙人黨都話有個樣睇下呀﹐ 互聯網度連樣都唔使比你睇。