不請工人不行?

點解一定要請工人? 既然你講出咁多請工人"不方便" 之處, 點解仲問是否要請??? 既然你要請的, 就應該比返工人最基本的尊重, 你未請已經覺得佢地會偷野, 會攞你著數既, 咁你就真係唔好請了, 否則你只會激死自己...
一般 2 人住既又返晒工, 屋企又有幾污糟呢? 而且你是否肯定你地一定晚晚返屋企食?? 會唔會出去行下街, 睇下戲, 返下阿爸阿媽度食飯先? 假設你一星期返兩邊屋企一次, 出一次街, 即係只會係屋企食 4 次晚飯. 咁你只要搵個家務助理, 一星期去你屋企 2 - 3 日, 做返 3 個鐘家務同煮餐飯比你地, 一星期都唔駛 500 蚊, 又唔駛搵地方比佢訓... 咁樣一星期你只用煮 1 - 2 餐, 應該沒有什麼問題吧...
你只需把麻煩的家務如洗廚房等交給家務助理, 平時簡單的自己做下都冇問題啦...
僱主同工人間的關係是互相信任的... 調轉頭佢一樣可以覺得你裝 camera 24 小時監視佢. 你未請已經覺得佢地唔好既, 咁點可以講信任??? 其實我覺得你會連家務助理都信唔過, 因為你亦可以擔心她們會偷你的東西... 工人是幫輕你的工作, 沒錯, 金錢是付出了, 但也需要付出心機和時間來建立關係的... 我媽媽也是一個家務助理, 但她的僱主也對她絕對信任, 為何不可以放下一些 "陰影" 呢

我就請鐘點隔日一次......我家有2隻貓和我們2公婆，屋企冇セ貴重嘢($$/首飾)，昂貴的化妝品,美容品就有.....只需要佢做日常家務(掃/抹地、打掃屋企....)，2隻貓完全唔駛佢理(因為我哋太緊張d貓，覺得自己打理會好d)；你請得工人就預左唔多唔少都會打斧頭，佢真係唔打斧頭你都唔信(心態問題)；錢最緊要洗得合唔合理+值唔值，我會睇佢做嘅嘢係點，會唔會好馬虎，手腳乾唔乾淨(有冇偷嘢)，其實平時買嘢要幾多$$，自己心中有數，唔好比太多$$$個工人咪得囉！我亦唔知你想請菲/印傭(Full time)，定鐘點(Part time)；鐘點的話可以問朋友介紹！如果請Full time，就記住工人都係人，唔好洗得太盡(我見過有d工人好慘)，我mum屋企都有印傭，個印傭鍾意食セ都任佢，最緊要唔好浪費，我哋都當佢係一家人，冇分階紙；但你疑心重同斤斤計較，就最好自己做

2007-01-12 13:00:03 補充：
如果有小朋友就最好自己做，認工人做mum都唔你，無親情，唔要工人，你哋2個可唔可以share家務，唔係一定女人做晒

請本地鐘點女傭 , 我諗你會放心d

咁怕人偷野, 不如唔好請工人, 自己生出黎自己揍, 咁就唔駛成日心掛掛!

當初我請工人最擔心的不是她們會否偷野, 而是會否傷害我個仔. 錢財生外物, BB為先!