仲意成熟定係.....

你就係你，有刻意去改變自己的必要嗎?
當然，亂發脾氣都係唔岩，所以應有所節制
每個人喜歡既野都唔同，有人鍾意成熟，有人鍾意可愛，甚至其他類型
好難一概而論

你男朋友未必唔鍾意你細路女果d可愛既地方，只係唔鍾意你發脾氣o者
(我諗都無咩人鍾意)

唔係架,,下下太過成熟太世故反而少左o個份童真
成熟既,可以指好多方面架喎
你可以話思想方面成熟,
又可以係行為方面成熟
當然,出到黎社會成熟d係應該
但每個人幾成熟都好,總會有童心未泯o個一面

我覺得你唔需要刻意o係男朋友面前型做一個成熟既你俾佢睇囉
因為你會好辛苦架刻意去做某d野
你而家呢刻係細路女,唔代表你將來唔會變架嘛,係咪?

不過睇你話細路女既時候應該係講緊你發脾氣o個陣喇
相信都唔會有人係鍾意睇人地面色既...
你試下倒返轉頭去諗,,你男友發脾氣,仲要黑晒面,擺晒款,抗拒晒所以人接近
你自己有咩想法呢?
係咪都會覺得對住呢d人好難受呢?
其實你諗人地係咪咁諗既時候
應該都睇返係咪因為自己問題而令到對方咁樣話你
事出必有因架
所以有時d野唔好一面倒去諗~應該諗多幾樣先作打算

個性可愛好多人都鍾意架,,,
只不過係發脾氣似細路女既,就真係要去改一改喇
人地話女仔係要錫
我覺得男仔都係一樣,都一樣要錫佢架

其實好多男仔都like女仔成熟既(性格)，但樣就要年輕。
我覺得唔駛刻意改變自己，唔好俾人影響到啦，做返自己咪得咯

哈哈哈，乜有人鍾意人亂發皮氣架咩？

佢鍾意你，唔係因為你呢種細路女特性，而係你係佢女朋友呀，傻妹，大家既關係呀，証明佢係真係種意你囉！

至於係咪可愛，係基於事情上既發展進度，你既可愛，係事件發展進度上，出現糊途的情況，咪會令人感到可愛囉，係一個成熟既人眼中，你做緊一的，係佢經驗之內，係幾哂時間，但以你既經驗，佢又知你未有能力做到而得出既過程，注意，唔係結果，而係過程！

岩定唔岩？目的只係大家開心，係咪？凡事單一性極限既，適合而止，成熟去判斷現實，小許糊途做人，咪會覺得開心的囉！世界，無絕對架，要彈性處理先得架！

我認為你應該保留你自己的性格，
你男友話你成個細路女，
可能係因為認為你ｃｕｔｅ才這樣說，
凡事應該朝好的方向想哦～

你自己都話自己可愛唔使為佐一個男人而改變自己本身o既可愛性格.

而男人鐘意d咩性格係因人而異o既.不仿你試下唔好向佢發脾氣