機上照顧bb 要點做..

我試過喺bb兩個月嗰陣, 自己一個由美國帶佢返香港, 喺機上面佢都好靜, 好乖~!!

你可以事先reserve前面嗰排嘅坐位, 因為嗰度可以放嬰兒睡籃, 咁你就可以唔駛成日抱住佢~ 但係如果seat belt燈一著, 你就一定要即刻抱住bb, 同埋幫bb帶安全帶!!

(相反地佢十個月返香港嗰陣就好煩, 因為佢坐唔定, 又爬黎爬去...所以其實bb越細個, 喺機上面越好湊)

有樣野一定要注意嘅係記得要幫佢keep warm, 因為機上面好涷, 而且又多菌, 所以千其唔可以凍親

另一樣野就係打左預防針先好上機, 呢樣都好重要!

1. 如果可以嘅話, 你可以事先吸起啲人奶, 放喺啲奶樽度, 上機之後再叫空姐幫你放喺雪櫃度, 到時到候叫佢俾啲熱水你, 坐返熱支奶, 咁就ok架啦~
奶咀方面, 你要事先試左幾次先, 睇下bb識唔識吮其他奶咀, 因為bb唔係隻隻奶咀都"鍾意", 佢如果覺得唔習慣, 佢唔肯飲架!!

2. 其實bb飲水同食奶咀都係睇佢個人習慣, 好似如果bb肯訓覺, 你唔駛特登叫醒佢飲水, 佢唔食奶咀嘅, 都唔駛特登俾佢食... 我自己嗰個就冇飲水, 落機之後先飲, 但係有食奶咀, 因為佢有呢個習慣~ 有啲人怕會有氣壓, 所以起飛同降落都會俾bb吮住啲野... 咁我bb就ok, 佢起飛同降落都好似冇乜野咁, 仲周圍望...

3. 如果可以就到嘅咪盡量就lor, 因為我唔知你要搭幾耐 & 早機定晚機, 所以好難答你, 不過你個bb仲細, 睡眠時間應該定時, 如果佢又仲未戒夜奶嘅應該冇乜分別...你可以嘗試去計算下點先可以令佢喺機上訓得最多~

4. 其實bb唔會無啦啦喊, 佢一定係覺得唔舒服先喊~ 佢可能會覺得凍, 口乾, 或者有氣壓唔舒服! 你可以俾佢飲水, 吮奶咀, 等佢有啲安全感, 又或者企起身抱下佢, 安撫下佢~ 仲有, 因為機上面乾燥, 所以要同佢搽多啲lotion, 同勤力啲換片, 因為乾燥情況下仲要澀住, 佢pat pat會好痛!!

5. 帶多幾件衫, 以防不時之需~ 如果餵奶方面有問題嘅, 你要同空姐講, 佢地一定會盡量幫你嘅!!

希望可以幫到你~ 如果再唸到啲咩嘅, 我會再補充架啦!!

Have a nice trip with your baby!!!




2007-01-15 16:02:34 補充：
呢個時間幾好wor, 因為bb通常都係夜晚比較熟睡, 而且呢d時間, 機上都會熄晒d燈~咁你盡量上機前都唔好tum佢訓覺住, 到上左機之後佢攰就會訓, 咁你就可以小睡一陣lor~