緊急~幫下我啦

恕我直言，
你的家庭環境是否適合照顧你的妹妹將會是其中一個主要令你能唔能夠取得撫養權資格的原因，如果你的父親以你本身為單親媽媽的背景黎打擊你(唔係如果，係一定會)，你跟本好難打得贏~

其實，我諗你地3姐妹ge感情應該唔差就真，如果你2個妹妹真係入宿舍會唔會真係咁差呢~就你所講，你大妹其實仲差一年就夠18歲的法定年齡，一旦到左18歲佢就唔需要住宿舍可以同你住，所以你大妹這方面比較易處理…(即使真係能夠安排佢18歲前入住宿舍，亦都唔會係一段長時間，而且宿舍的輔導工作亦都會比你本身好)

你細妹方面，小五大約就是十歲啦，你可以考慮尋求社工協助等佢入住兒童之家，好處是你可以專心工作，照顧你的BB以及避免你的大妹為細妹帶來太多負面信息…

留意，宿舍以及兒童之家並非女童院，親人係可以隨時去探望佢地的，而且那裡亦可以提供較為完善的心理輔導比佢地。你亦可以利用呢段時間進修自己，為你地三姐妹ge未來打算一下！

我都贊成~nakuti2003的方法~
可以一試~議員做事~
點都快過社署做事~

你可以將你的情況告知社署,佢地會根據你提供既資料去協助你同你屋企人,你話你個細妹讀5年班,社署會向法庭申請保護令要你爸爸將你個妹既撫養權交俾社署,但係咁做時間需要好長,最好報警,等警察將你屋企問題轉交社署,咁會快d;另外,如果,你爸爸或後母有打你或你個妹的話,你可以報警,警察查完可能會告你父母,咁法庭會出保護令要你爸爸將你個妹既撫養權交俾社署,最後祝你好運

呢個case, 我之前有個朋友同佢差唔多, 終於佢幾姊妹搵到個好好既議員幫佢手, 同房處搞"分戶", 個議員好好, 成日吹房處, 終於佢地可以派到間公屋自已住, 唔使同佢老豆住......你都叫佢快d搵個有power既議員啦 (我唸係一d出意幫市文做野又幫人出頭既會好d架). 而我自已都搵左"何x仁幫我搞架......

引文:
--------------------------------------------------------------------------------


pat108tap 寫道:
呢個case 可以點搞 ?? 幫幫佢,, 唔該~

緊急~幫下我啦
善心人幫幫我!!我兩個妹,一個5年班一個17歲前日輟學並揾到嘢做,媽媽喺我10歲時因病去世.....我今年20歲係單親媽媽,我爸爸5年前同第個女人結婚,個女人攞雙程證嘅,佢一向都對我哋唔好,以前唔俾錢我返學,我每日6點從柴灣行到灣仔,佢話:大陸d人唔讀書都係塭到嘢做啦!!我渡過半年6點返學嘅生活就冇返學,唔係行路返學辛苦,而係學校每次要交乜費セ費我都冇得交,同學都用"特別"眼光望我,冇讀書我就去揾嘢做,但佢話我做嘢會累到全家攞唔到綜緩要我走,之後我就開始學壞,仲有埋BB....我大妹同我差唔多,佢剛投身社會工作我老豆就趕佢走(直到今晚仲趕緊),間公屋有我哋個名架,因為個女人遲d會帶佢1仔1女嚟(單程証就嚟批)我細妹唔想同佢哋住,但我老豆又唔俾我細妹走,因為細妹仲讀緊書有綜緩金,我哋冇親戚喺香港,又唔想俾我細妹住宿舍(如果我細妹堅持要走而我老豆又唔俾嘅話社工會安排我呀妹住宿舍)我想將我兩個呀妹嘅撫養權轉俾我,咁樣我哋可以一齊申請公屋可以一齊住,又唔知從何入手,請各位幫幫我,教下我可以點做,萬謝!!