✔ 最佳答案
屋租你已經有預算啦,不過還有地產佣金(一般都要一個月租金,或者包租和租客各出一半),以及最少一個月的按金(有些包租要收兩個月,怕遇到不好的租客,損失慘重),一簽租約就要交首月租,稱為上期。
如果沒有大型傢俱,可以自己搵朋友幫手搬屋,有傢俬搬上唐樓就幾辛苦喇,搵專業搬運出車都要四五百元,有些搬運工人有自己的貨車,運費交便宜,要自己去問問人比較價錢。七百呎村屋單位由新界搬出旺角都唔使HK$1200,總之要搵熟人介紹才好;有些報價時好平,搬到你屋企樓下才起價,你自己搬唔倒便唯有幾多都比佢。
間屋一定要有熱設備,除非你可以搵到其他地方沖涼,電熱水爐700-900餘元都有,一分錢一分貨。有冷氣機會舒服好多好多,視乎你愛享受的程度,二手的約1000元有交易。煮食和洗衣可以落街搵專業,但係有個雪柜就方便好多,小型的400元都好似有,一般800-1400屬經濟型,好貴都有。落街洗衫每人預一星期一次,每次約24元,好視乎生活習慣。
風筒一定唔少得。水費、電費如果要按金都幾貴,加埋要成千元,間屋樣樣有齊咪慳好多囉!
每月水費好平,幾十元甚至唔洗比都得;電費就出入好大,基本上每月要百幾至兩百幾,有D人大使到成千元都有。
間屋一定要有得訓至好,床舖被單唔慳得,D舊樓質地不太好,不適宜訓地面,對身體唔好;家裡一定要有個基本的藥箱,或者簡單藥物,好便宜但很重要。