1398 & 939 想溝貨

今日1月12日,係入市的黃金時機 ,我打算一陣開市入工行.

原因:

(1) 回調夠深

之前叫大家唔好入住，因為調整未夠深，而家已經由高位回調十幾個％！

(2) Ａ股已回

之前Ａ股唔肯回，呀爺做嘢，上面班友當呀爺冇料到，阿爺可能要出到加息就麻煩，而家上面回左，應該可以安心些！如果上面一日都唔肯調整，Ｈ股都有被Ａ股拖累的危險！

(3) 裂口補回

之前上升的裂口已經補回

(4) 外圍做好

花旗那邊收市升70點，架仔股市重上17,000.有助港股升勢

(5) 染藍概念

就來到二月 ，恆指又要做嘢，大熱門估計會受埋壽仔同工人銀行玩，楷楷隨時要番星加波．建行同工行 Co-relation 好高，工行升，建行冇理由唔升！

(6) 廿天平均線

工行同建行一樣，甚少跌穿２０天平均線，通常最壞的情況都是穿２０天線少少就抽番上去，厘鋪都應該唔會例外！



圖片參考：http://hk.yimg.com/i/icon/16/5.gif

其實睇你長keep定短炒
我過完元旦已經將所有股票賣晒
係呢個week狂掃平貨
有句說話叫寧買貴莫買錯！
最緊要你覺得呢隻股有發展既空間！
想當年匯豐係沙士跌到8x元！我屋企人買左仲俾d傻仔笑話個股實跌買黎蝕錢！而家再一次証明左銀行股長線係有賺既！到今時今日139蚊先黎學人買匯豐！你有多多錢都唔夠買啦！哈哈哈~~~
中國市場咁大經濟又問始發展！始終外國投資者要進入中國做銀行業務一定要經過本身既中國原有銀行.. so前景大家自已諗啦！

首先, 你要搞清楚, 你係投資者定係投機者
若係前者, 即管溝貨la, 以後一定賺﹗
若係後者, 請注意永遠冇人知道巿場幾時會升番, 個股股價幾時最低等等.........所以若係要溝貨, 請搞清自己能夠承受預期ge 風險

再者, 1398 由你買入到依家已跌約11%, 939 則跌約8%
短炒請自行設定止蝕位, 否則, 股巿入面ge 蟹民你永遠係其中一個

雖然股票價格的走勢一般較難預測，尤其是在特殊情況下，股價可能會持續上升或持續下跌，令到股價出現超買或超賣，不過部份投資者相信即使市場傳出了不利的消息，若股價在經過一輪突然其來的急跌後，尤其是當股價跌至極低殘的時候，技術上通常都會出現反彈，因此便認為當股票被嚴重拋售時，正好是趁低吸納的好時機，市場把在這種心態下入市俗稱為撈底 , 或值此溝淡之前高價買入的貨 .
　　投資者之所以持有這種心態，全因他們持有以下幾點信念：
1)相信每隻股票都會有一班大戶投資者或稱作"莊家"維持股票的價格，若股價跌低於所預期的目標價時，便有可能進行"干預"，把股價托回目標價附近，若單從投資者角度來看，從低位購入後並待反彈時沽出便可獲利，因此當投資者相信"莊家"有能力維持股價時，便會在低位撈底。
2)相信每隻股票在投資者心目中都會有一個"合理"的價值，尤其是當實力股突然被拋售而急速滑落時，當股價低於心目中之"合理"價值時，投資者便會在低位進行撈底。
3)另外亦有投資者因為在高位已購入股票，為了拉低平均價，於是趁股價出現急跌時撈底，可以賻股價反彈時便可沽出，減輕虧損情況或甚至可稍有微利。
　　雖然投資者在撈底時會有不同心態，但可以肯定就是撈底是極高難度的動作，尤其是一般的散戶投資者，在缺乏資訊下博撈低經常會導致愈撈愈低的情況 , 但要明白 , 越溝得多貨在手 , 代表風險越大 .