扭蛋公仔製作

你試下用樹脂黏土整丫..樹脂黏土特性係有透透地明既效果，做公仔都適合。去手工店或者大既書店都可以買到樹脂黏土，最好買一個牌子叫grace既，比較出名同效果好。60零蚊一包啦..夠晒用架喇...
再買油性顏料用黎調色用...平平地就買溫莎牛頓牌油性顏料啦...30零蚊18個色，都夠你用喇..
整既方法同搓泥膠有d似啦...你整好個形放埋一邊風乾..都要幾耐下架...最好放幾日啦..
搓之前要將d黏土染上你需要既顏色..方法係用d顏料搓落d黏土度，都好簡單架咋...但記得要少少咁加顏料...落太多顏料..黏土就會失去邊明感..同埋你調既色要比你實際需要既色淡d..因為黏土乾後會深色d..如果真係太深色就加d原色(即未調過色)既黏土搓..所以唔好一再始就用好多黏土去搓色呀..會好浪費物料架...
仲有..黏土風乾後會有少少縮水，縮20%度啦..
未用既黏土一定要用保鮮紙包好..黏土風乾了就唔用得架喇..
要將兩件黏土"痴"埋就用白膠漿啦...

2007-01-15 23:41:11 補充：
我今日行過書店..無意間見到本書..係教點樣自己做手辦模型架..好岩你自己學做扭蛋公仔..本書都幾大本架..同埋$100度...你去書店睇下岩唔岩你用啦...放係藝術/美藝類 (因為我唔係係香港書店睇到..係澳門書店睇到..所以講你知店名都冇用啦..但d書香港都應該有架)