會考中史的study skill??

會考中史多數都係寫料，只有小部份係個人意見題
所以背熟史料好重要！！
點先可以背熟呢？
你可以分內容做小標題
例如唐貞觀之治原因咁
先記晒小標題，背到晒先開始記埋內容，記得越多就越高分
而且最好就有資料性，例如記到人名同年份就最好！

中史唔好有好多原因，一係就記唔到，一係就唔識寫
如果係記唔到，睇多幾次，溫書時溫完一部分即刻自己同自己背一次
都可以有效咁記到史料
如果係寫唔到，就要多用點題句
即係首先將問題分幾點，例如佢問影響
就將影響分幾方面咁講，一段講一個方面
一段入面第一句就開宗明義講係咩方面
例如：在政治方面．．．
講完就開第二段再講另外一方面影響（經濟、社會．．．ｅｔｃ）
咁樣就有條理好多

我都係上年考中史．我只答左３題半．雖然只得Ｃ．但都有少少心得分享一下。

溫習時候，真係要背熟史料，
可以自己溫書之後切問自己，首先記重點，從而再深入探究
書本的東西要熟讀之餘，有時間就睇參考書，
睇多Ｄ中史故事都有幫助的。
好似講唐太宗咁，如係作答時講到佢係知人善任呢一點，
可以加埋話佢會寫Ｄ臣子既治績係屏風上面，
咁樣能夠令自己的答案更有說服力、更上一層，
從而搏取閱卷員的好感。

平時溫習宜多多練書寫速度，第三、四問真係要寫得好快．
溫完習既，可以嘗試做下第三、四問。
成本中史書實在太多了，
暫時呢２年都應該唔會太多比較，
所以你唔係要讀哂全部題目的．
專揀自己比較熟識同有興趣的題目，
讀得深Ｄ、廣Ｄ反而更好。
好似上年題目咁，連Ｄ渠既位置都有記，
呢Ｄ瑣碎既史料實在要仔細讀。

係作答方面

我其實只溫左：
甲部只係溫左秦、隋唐、明清
乙部對外戰爭、維新、國共、抗日

由於甲乙部都係６揀２，好多題都可以揀
總共答４題．有２個鐘時間．
一定要係５分鐘揀題目。
６題唔一定要睇哂．你要睇左你最熟讀既個題先，
如果識既．即刻做．最熟個題，要係２５分鐘內完成，
唔好因為你識答，而寫太多
而餘下的３題，你應該係３０分鐘內完成。

．第一、二問你中ｐｔ就得，短問就短短地寫一行算，
　要快、中、準
．第三、四問相對上係要多時間ｄ
　我答開三問都係十行到．．
　第四問就多過十五行，
　有引言（點明立場）、內文（詳細論述）、總結（重申論點、總結上文）

如果冇時間，引言同總結唔洗寫太多。
尤其係引言，冇時間既，真係寫出自己立場就可以。

希望以上既幫到你啦！加油！中史只要熟讀，分數唔難拎=]