有誰可以幫忙解答問題呀？？？

野孩子

2007-01-12 4:43 am

幾年前比個朋友呃左去做假結婚，當時佢話三年後可以離婚架，但係唔知點解要搞成五年咁耐，當時結婚程序唔係好記得，只係記得自己去過入境處攞左份單身紙(即係寡佬紙)，跟住上左律師行到簽野，再跟住第二日就上褔建市做結婚証書喇。
而家呢個男人要我去入境處幫佢搞一張叫做婚姻証明書，証明我無係香港結婚，跟住仲要我同佢一齊番褔建簽紙，我緊係唔肯啦！

問題如下：
(1) 我想問我所有文件野包括結婚証書都係男方及失蹤左既中介人到，咁樣仲可唔可以離到婚架？
(2) 仲有我做完呢單假結婚後唔見左張身份証，我驚佢地攞左我張舊身份証唔知做左D乜野犯法野呀？
(3) 離婚係咪一定要上番去褔建搞架？因為我係單方面提出離婚！
(4) 係香港有無律師搞大陸離婚架？如有咁收費太約多少呀？
(5) 係香港既婚姻註冊處查唔查到我係大陸到結過婚架？
(6) 我聽人講好似可以查得到架，如果可以咁應該點查法呢？打電話去定親身去婚姻註冊處查問呢？我驚去婚姻註冊處到話會令人懷疑我假結婚，點算！

請盡快幫我解答吧，謝謝！

回答 (2)

用戶81583

2007-01-12 11:05 am

✔ 最佳答案

無晒所有結婚証書,都無問題,我都係咁,你返大陸攪離婚會快d,3500-5000蚊,只要找一個,當地律師就得啦,如果肯洗錢,好多野仲方便,一個月度啦,無咗結婚証唔緊要,褔建法院會幫你找佢的.但你亦可係香港搞離婚,8500-15000蚊,但好煩,仲要等好耐,因為你找唔到個男仔,香港既婚姻註冊處要查是查到的,你親身上去金鐘一係尖沙咀婚姻註冊處,不過,如果你找律師,律師會幫你攪的,唔洗驚,你打死都唔好認假結婚就得的啦,因為邊有人知你們是假結婚,無証句,d人比人捉到假結婚,係因為自己認咗之嗎.我的提意是你返褔建攪啦,最多坐耐d車囉,這樣比較方便.

2007-01-12 20:35:20 補充：
我果陣時,返汕尾都唔知邊度有,我都係問街上人,的士佬,自己搵,深圳搵律師無咁好呀,因為福建律師會識當地的人.法院辦事會方便點,有好多野洗少少錢就得啦,不過福建係咪要坐好耐車呀,我返汕尾都3個鐘呀,無辦法,邊個叫自己貪心呀,係要上下去的啦,我都返咗3次,不過現在離咗婚啦,我11月攪,12月30日離到婚啦.

2007-01-15 01:35:05 補充：
無辦法啦,你點都要去行下啦,如果唔你就係香港搞離婚啦,你點樣都要離婚的啦,不如快些攪好過,而家煩,好過有排煩,好過啦,萬一要結婚,你就仲煩.

👍 0 👎 0

用戶21093

2007-01-19 3:26 am

Very Good!!!

👍 0 👎 0