續: 有關貓貓下巴問題

我隻貓貓之前都係好似你隻咁, 有D黑色野, 我就每日用暖清水棉花同佢抺下咀囉, 如果擦得甩就擦左佢, 如果唔得就由得佢, 抺下算喇, 大約過左兩個星期度, 都好番哂喇。
因為太近咀, 我唔敢用D 藥性O既野, 同埋佢日洗面, 我唔想佢吞左D 藥落肚, 所以我都係安全D用清水算喇, 佢會慢慢好O架, 你放心啦!

其實一般食乾糧的話, 都好少會係下巴生黑色一粒粒, 我懷疑我隻貓唔知去邊度偷左D 肥膩野食所以咁, SO FAR 好番之後到而家都冇生過喇! 同埋我另外兩隻貓都係食乾糧, 佢地都冇生過呢D 黑色野, 所以我相信係我隻貓貓為食,唔知係邊度偷左D 污糟野食所致。

I think I read it somewhere that this is called cat acne. It's like syuen0122 said, the black dots are caused by plastic eating/water bowls. Also, do not use First Choice cat food. I came from Canada and First Choice is similar to Wellcome or Park'nShop brand...a very cheap brand...

哈哈!呢個問題問得非常好,因為我的貓貓都試過咁;成個下巴徐咗佈滿晒一粒粒黑色很硬的大点外(同人生嘅黑頭一樣，仲喺勁大粒嗰隻)佢仲生到腫晒,真係慘不忍睹！最衰喺我冇喺佢未咁嚴重嘅時候掉以輕心，因為初初起的時候只喺一點點非常細小的黑點，好似Hi 到一啲污糟嘢咁，所以只係求其用手指幫佢掃吓就算;點只過咗一個星期左右，發覺佢下巴好似有啲黑黑哋咁，咪捉住佢睇清楚啲，點知一睇佢個下巴兩邊已經圍晒黑色一大撻,鬼咁核突;咁我咪用棉花棒濕水抹，但係卒唔甩，用火酒卒都唔甩重攪到又紅又腫添，後來問寵物店，佢吔話用啲温和嘅清潔液抹乾淨就得(例如清潔貓咪眼部專用液)但係抹完不到半天又再出過，如是者每日都重覆咁做直至兩個多星期都係咁樣出番，咁我又買咗支茶樹膏及90幾蚊嘅皮膚药膏幫佢搽，唉！都係唔得，終於帶佢睇獸醫,我問醫生會唔會関佢食隻糧嘅事呢？因為自從我同佢轉咗pro-natural 之後佢食食吓就開始係咁，但佢話應該唔関事好可能佢係皮膚敏感喎，比咗啲药膏佢搽，結果都係唔得；咁我嘗試轉比濕糧佢食，同埋用人用嘅蘆薈膏(97%嗰隻)結果佢真係慢慢咁好番，真係令我好意外因為佢居然可以喺我絕望及不放棄嘗試之下好番！原來真係隻糧累成佢同我咁(因為我用咗好多時間同錢呀，冇陰功！)隻糧真喺累死人！因為我見佢冇事咪比佢食番隻糧囉，點知佢又生番啲黑色嘢出嚟，嚇到我即刻掉晒剩低啲糧，最慘係我當初貪佢做promotion平同埋個sales又極力推介，因為佢之前係食first choice又食得幾好，咁佢話佢哋係同廠但重靚過first choice咁我咪買咗兩包3kg囉重要係最貴嘅去毛球配方呀，點知包糧會出事吖！奉勸各位朋友唔好貪平嗰啲啲同埋最重要係要留意當喺拆開包糧嘅時候，如果發現啲糧每一粒都唔完整又很多碎跌晒出嚟，同埋較深色及感覺好似好油膩膩咁就唔好比佢食，或者你可嘗試隔咗啲碎出嚟，減低油膩成份先佢食可能會好的，同埋最緊要多的留意佢哋嘅身體狀況，如果唔係真係傷心又傷金呀！希望我用貓咪嘅慘痛經驗可以幫到你哋！！

佢果d可能係黑頭問題, 如果動物用塑膠器皿食野, 就會有問題, 狗呢, 就會個 nose 脫色, 貓呢就會下巴有黑頭, 轉用不鏽鋼食具就會無事啦, 會自己好番的.