07金融市場預測

如果一個國家通貨膨脹，中央銀行會點做?答案好明顯會加息!!

但係如果息口不加反減，咁會點?你可能會話冇可能，一個有讀過econ ge人都會知加息，點會減息?

但係香港未來一年就可能會係咁，香港行緊聯繫匯率制，美國減息，港息都會跟隨!!但係偏偏香港大部分貨物都係由內地入口。人民幣升值、國內通貨膨脹令香港物價上升，通貨膨脹卻減息就出現左!!

通貨膨脹卻減息，人民係銀行裡面ge錢將會愈來愈少!!一個有理性ge人都會將資金抽出，最直接就係流入股票市場，地產項目or商品市場(貴金屬、資源、玉米、可可豆、米)!

07年下半年至08年初，如果我冇預料錯，港股將會暴升，莫講話二萬五千點，即使係二萬八千到三萬都有機會!!

得出以上結論有以下幾點:
1) 美元下半年減息，美元轉弱，資金轉投黃金，商品及股票市場，對沖基金大行其道
2) 美元轉弱，部份資金轉移到石油期貨，帶動石油相關類股分上升
3) 香港跟隨減息，在通貨膨脹下減息，令大量資金流入股票市場，商品市場及地產項目
4) 減息令地產市道再次興旺，97年做左蟹民的人鬆綁，資金再次充裕
5) 由於在減息及通貨膨脹底下，企業預期盈利會大幅增長，資金湧入大藍籌身上(註:通貨膨脹初期對企業有利)
6) 人民幣持續升值，國企變相盈利增強
7) 港股07年有多隻內地中型銀行來港集資，令中資銀行股更加得勢
8) 中國開放石油化工，內地成品油價格隨市場而定，令中石化成為最大受惠者，成為內地及香港升市的火車頭
9) 08年北京奧運效應，內地A股市場暴升，令更多H股返回A股市場，在此憧憬下，令國企指數倍升
10) 國內股票市場推出期貨買賣後，必定令市場更為波動

看到這個情況理應值得高興，但係惡夢先正式開始!!!香港經濟將會步入衰退期。在通貨膨脹持續底下，企業盈利大減，而且08北京奧運後，國內回歸平淡，加上內地近年持續通貨膨脹及A股市場暴升，宏觀調控必定再現，到時候A股必定大挫，而H股亦都不能幸免，之前升幅將會消失!而人民幣升值過急，壞影響已經出現，中國出口大減，各企業盈利大減，令股價更為下跌!!今次股災來臨，將會超越97及00年!!加上對沖基金推波助瀾，跌勢一發不可收拾!!最壞打算，將會出現另一次金融風暴，到時候港元真係避無可避，由於美元持續疲弱，港元將會脫離美元，改與人民幣掛鉤!!香港又要經歷幾年先可以再恢復過來。

可以答你，07唔會有股災，我會睇08年!!人民幣債券一定唔好買，內地通貨膨脹太厲害，加息都壓唔住，債券利率固定，一定蝕底!

我個blog久唔久都會有d分析or推薦，可以上黎睇下!
http://www.xanga.com/wah612

非常精彩, 本人ge 想法同你一樣﹗
但你ge 高明之處我冇ge就係, 我唸吾到會有可能出現"通脹+減息"
good