小孩子行為惡劣一問

脾氣強頑的小女孩,多數可分為討厭別人干預自己或是希望別人注意自己。
以你的描述,我覺得係後者。
這並不是說你沒有好好關心她,令好希望吸引叮人注意,而是小女孩希望有人站在自己的方向想想,是一個認同自己的人的關心,而不是一個事事都不好,唯有讀書高的人,所以才會更多反叛,說東往西。
當然朋友都是一大因素,但這很難改變的,只希望長大後,交個乖巧一點的朋友。
不過往另一方面想,說話多一點並不是太壞的事,至少好活潑開朗呢!可是欺負別人就不要得,應該試試教導一下。
個人建議:除了學業外,試著讓他參與一些課外活動,令她試著認識其他朋友,也令她得到別人認同。

先分享小小我的個案, 再常試分析你的個案及建議

我有一個仔, 13歲中二. 一個女,11歲小六.
仔,女讀幼稚園前外婆照顧. 仔仔讀幼稚園時發覺行為差劣, 及後在報紙中發現, 可能有過份活躍, 在私家醫生轉介到政府排隊評估, 才知他有過份活躍,讀寫障外,智商 130. 需跟進及服用藥物, 女兒十分好動, 經常講話, 最記得小一時, 在課室裡, 她的組原本是沒有同學說話的, 但是她有本事令全組的同學一起講話. 因哥哥在覆診時, 與心理學家說及女兒問題時, 女兒在四年級時評估時, 發覺女兒有讀寫障外及專注力不足, 及後在跟進及服用藥物後, 到了五年級下學期開始, 改變藥物份量後, 成績有所改善, (我對他們較惡)

首先我會覺得你的女兒, 有可能是由小到大, 家中長輩在不知不覺間, 讓她的性格脾氣變得強頑. 小朋友的禮貌是由小陪養的, 當小孩越長大就越有自己的想法, 脾氣強頑,欺負同學/老師這些代表情緒智商較低, 能夠和你談判討論這些代表智商較高.
我不清楚你所說, 檢查女兒功課, 發現她抄功課的定義. 你教她的功課,常做得比其他同學更好. 是她真的明白, 還是假的明白? 的定義是你做得好, 還是她做得好? 假如抄別人的功課和與你做得好的功課相比, 分別不大. 或者是我的小朋友是去補習社的. (找好的補習社也是學問). 我只會查下有沒有欠改正, 簽手冊. 有多餘的時間會給他們上網, 看電視/電影. (這也是奬品). 星期六會參與社區活動 (參加了義工活動), 星期日會打小型欖球 (發洩多餘精力).

建議

一. 你可以帶女兒做個個人評估, (灣仔小童群益會有得做, 好似係 3,xxx.00). 那裡的 support 不楚.
二. 你可以聴星期日, 新城 99.7, 上午11:00-下午1:00 的節目 (爸爸媽媽坐下來), 打去攞意見. (一個不楚的教仔節目, 可以聽多的佢地的分析)

2007-01-11 08:43:08 補充：
我對子女的評論子 - 成積分數差, 禮貌不錯, 參與行為高, 運動天份高女 - 成積分數較子好, 禮貌不錯, 參與行為高, 運動天份高姨生仔 - 9歲小三 , 私人做了個人評估, 智商高達 150 , 他的情緒智商較低, 脾氣強頑, 出手打同學..... 出現與你女兒的情況相似, 現有做心理跟進.因文字表達, 不能太詳盡, 如有需要了解更多, 可以另外給我 e-mail, 到時用其他方式分享討論心得.

其實呢，細路仔的本性就係玩同傾計o架啦！
只不過係d大人成日將自己認為啱的事硬加於細路仔身上！
當然，細路仔冇禮貌同打人呢件事，就同父母自細點樣教佢有關！

我出來外國讀書之後，成日都見到一d俾你個女仲'行為惡劣'的細路，
但出奇地，佢o地的父母唔多出聲鬧佢o地，
因為佢o地覺得俾細路仔自由發揮好重要，
好過佢o地好似碌木咁，亳無主見地成長！

你個女會抄人功課，其實唔係乜o野咁大件事的...
乜你認為呢個世界係'只要你功課做得好，
將來就前途錦繡、升官發財'嗎？
(我以前做功課、project都做得好好，結果都係入唔到香港的大學！)
其實你有冇諗過點解佢會抄功課呢？
到底係因為佢唔識做，定係每次你check完佢自己做的功課後總會'彈三彈四'呢？
既然自己做出來的o野總係得唔到父母的認同，
俾著係我都寧願節省時間，去抄其他人的功課啦！
再加上佢都五年級啦，係時候開始學習自立，
未必需要再成日check佢功課！
如果擔心佢的成績，就請狠心一d，
偶然俾佢跌一兩次，佢最終都會察覺到自己的錯！
o係呢個時候，你就可以化身做佢的救星，一齊幫佢解決問題！

仲有，你話你個女好容易受人影響，
係咁你更應該用呢一點來做武器，
叫佢參加一d能改善身心的活動，
例如跳舞、彈琴、餐桌禮儀班，甚至係一d兒童的紀律部隊！

細路仔唔聽父母、老師的話，就應該試o下搵其他'陌生人'來教佢，
因為細路仔其實好愛面子，佢俾人教訓完，
會覺得好冇面，心入面可能會好嬲呢個人，
但同時佢都會提醒自己以後唔好再犯同樣的錯，避免再次丟面！

我可以教你兩個方法：
方法一：你心平氣和地恐嚇你個女，話你實在教唔掂佢，
所以早前已經同某間兒童院的院長聯絡過，並想將佢放去寄宿，
藉以改善佢的行為。
但個院長叫你再觀察多一段時間，例如3個月，
如果佢o係呢3個月內再犯大錯，就會馬上送佢去兒童院！

方法二：你同你個女講，由今日開始，你每日都會做一個行為記錄，
記低佢o係o個日的行為，
如果佢o個日好乖，就o係本簿度寫低同畫一粒星星；
但如果佢o個日做錯事，就o係本簿度寫低你覺得佢做錯乜o野事，然後扣一粒星星，
當星星夠一定的數量時，你就會獎勵佢，
當然，o個樣獎勵唔可以超過一定金融。
然後定期俾你個女自己睇番呢本記錄，
讓佢透過文字明白你對佢的欣賞同不滿，
呢個方法總俾你成日大聲責罵和平得多啦！

不明白為什麽要轉校？（無故轉校，其實對小朋友心理上會做成很多不良反應！）是否希望她能入到你心目中的心怡學校（中學校網）？是否常拿其他同學作比較？你是否常和其他家長申訴小女的不是？家中是否有弟妹？
我相信她不是一出世便是這麼曳曳！
請你在臨瞓前，靜靜地諗清楚，她在變曳時，是否在她身邊發生一些改變（例如﹕搬屋、轉校、離異、新成員......）！仲有一樣是最重要的，是小孩子好等於一面鏡子，大人的品德、言行舉止都會好影響他們！

家中是否單親家庭?有否體罰?孩子欠缺父母的關懷及愛護會令他們的行為變得差劣

孩子做錯的時候，叫她不應這樣做之餘，絕對應該詳細解釋給她聽「為什麼不可以這樣做」

很多時候孩子脾氣頑強是因為父母一開始就已經認定了她是做錯了，或是她一定是因為某些原因而這樣做，往往就算父母口上說「聽你解釋」也根本不誠實！

不要沒原因強迫孩子做事，現代的孩子與父母的關係應該是朋友的關係，在乎互相之間的關懷和愛護。強迫孩子讀書，將孩子與其他學生比較只會令她更加討厭讀書，於事無補。多加鼓勵及適當的讚賞是不可以吝嗇的。

多和孩子溝通，是平心靜氣的閒談，而不是講數或責備，這樣得出來的效果更好

感到無辦法的時候，誠懇地問她：是爸爸／媽媽有什麼地方令你不開心嗎？
也會收到好效果．但不可濫用　也不可以縱容孩子。