懷疑個仔比個虐待菲傭,有無方法可用公司電腦經網絡開啟及操控家中電腦？

小弟家中有請菲傭照顧小孩，但近呢個月見仔仔手腳有不明瘀傷及紅腫（仔仔得一歲咋......嗚鳴）問個菲傭佢居然次次都話唔知，一時又話仔仔自己跌親，點知老婆前晚見到個仔一邊耳仔紅咗（另一邊無紅到），但係個菲傭死口唔認，於是我琴日就去鴨記買咗個小型鏡頭影住個ＢＢ房，但係半夜安裝的時候又好似比個菲傭望到，所以想再係屋企部電腦經眼仔監視個菲傭，但係個呢個菲傭又得閒用USER身份開我部電腦上網，我又唔想長開部電腦打草驚蛇（天呀）點算.........????

有同事介紹我用PCAnyWhere，但係PCAnyWhere可以係關機的情況下係公司開番屋企部電腦及控制我的眼仔嗎？？？

大家可唔可以幫下我.......心急又無鬼用的爸爸.....