我想問學小提琴....

初初學小提琴, 如果是個別教授的話我想無什麼必要學一個鍾甘耐, 因為學小提琴都幾累, 你既體力未必支持得住, 以我自己經驗, 5級的學生拉45分鐘都會累死了. 累不是因為個琴重, 而係要故定一個姿勢.
如果找琴行, 其實間間差唔多, 因為都係人夾人, 好處係比較平, 至於私人, 你去老師屋企既話就同琴行差唔多, 上課時間比較彈性, 但彈性太大又會無甘好恆心上課, 但琴行就可以逼你個個星期上. 價錢都係100-150一堂半個鐘. 但如果要老師上你門就可能貴好多.
要買二手琴可以在拍賣網上找到, 但要注意質數, 不如買過個新既, UNDER 500都有唔錯既.
考試方面唔駛甘急, 學返兩三年先一次過考三四級會好D, 因為準備考試時會花好多時間, 起碼4個月, 用來學其他野都不知幾好, 況且你如果學基本野學得好, 考試內容係好易上手的.
程序同考鋼琴差唔多, 老師覺得你到某個程度時會問你考唔考試, 由報名到考試約有5個月時間準備, 3隻歌, 音階, Sight Reading, 口試, 不過3隻歌要有鋼琴伴奏, 都幾貴, 好一點的要~$300一小時.
你155cm高, 用3/4啦. 4/4太大了.

回答問題一

唔駛擔心呀 16歲習琴　無可否認係比一啲兩三歲就學嘅小朋友遲十幾年起步　但係　你絕對可以用努力追返所失去嘅時間架　

我兩年前收左個十七歲既學生　佢上年已經以１３９／１５０分pass左五級　而家已經準備係今年年尾考八級啦　佢每日都會抽二十至三十分鐘練習每堂所學到既野　佢從學琴的第一天起都有keep住日日練　雖然又要返工又要返學　但幾忙都好　佢都風雨不改　呢種精神　就足以使他能以兩年幾時間達到七八級的水準　絕對可以作為借鑑架　當然係香港仲有好多　更遲學　而進度更快及同樣根基紥實既例子啦

所以簡單來說　只要跟一個好老師　以及細心地恆常練習　１６歲　一啲都唔遲

回答問題二

如果你想揀去琴行學嘅話　請三思　因為係琴行（或中介機構內）　導師收入的1/2要俾琴行　係呢個一分努力半分收穫的環境下　老師教學保守再加上有經驗的老師大不會跑琴行　因為既辛苦（除非好似我教個間個老細勁nice）又要俾人管住　你要係琴行揾好老師可以話係難上加難

仲有記住　因為考八級唔易　但大部份琴行都需要提琴導師　所以香港有大量的六七級導師充斥各大琴行卻掛著八級的名義　有些從未考級竟也能在小學教上兩三年　磋跎了莘莘學子的寶貴光陰　天分也白白被埋沒

再者　琴行求財　天地共知　但都離不開教到五六級就ｄｕｍ波鐘既魔咒　所以大部份琴行學生學學下都會隨琴行老師上門學　但係個一刻之後　老師先會全力教授　換句話說　一個學生跟私人導師習琴比起係琴行學琴　進度是會快一大截的　而長遠來說　花的金錢也較少（雖然私人的收費比琴行貴少少）

所以你大可以試下搵私人導師上門教授　價錢同琴行或差唔係好多　時間又富彈性　但進度卻快幾倍　總而言之　要嘗試找一條最快捷通往八級的路　始終八級後才可以真正進入小提琴的奇妙世界

回答問題三

如果你係一個珍惜時間和金錢的人　我會建議你上４５分鐘　因為３０分鐘只是一個為了收生的折衷方法　大多都會在數月後發覺學得好慢而轉返４５分鐘　但已經學了幾個月　浪費哂啲時間　我所識的小提琴老師及大學教授　全部一至五級都是上４５至１小時ｇａ　所以你要好好考慮　否則後悔莫及

回答問題四

琴行收初級三四百蚊　四堂　半粒鐘　其實好普遍　唔算貴　但上文提過的問題　才值得你三思哦

有乜問題可以ｃｏｎｔａｃｔ我　我應該都可以答到你嘅　因為我都係係屯門元朗天水圍教琴架　真巧

其實如果你有恆心..幾時開始學都唔會遲..
好似我咁..其實我都係中一先開始學..今年
中三就黎考五級,,所以唔會遲
其實用幾大的琴係唔關身高事..
4/4的琴係正常琴的大細..3/4係比較輕方便
手短啲朋友用..如果係手比較短的當然可以用
3/4但如果你172CM我諗你都應該要用4/4
最好就係買琴果陣叫果D人幫你度下。。佢地會
識分..
$500/45MIN係幾多堂?如果係五至十堂就已經好平..
如果係單對單教,,就另計...初學者我個人覺得只學半個鐘
唔多夠..我個人認為如果你唔想咁浪費錢..可以係琴果方
面著手,,可以買平D的琴用住先,,到真係覺得鐘意..先買過
個貴D,,平D的琴可以買太約 $300-500到..
希望幫到你啦,,,

2007-01-11 16:29:41 補充：
我一直都係學一個鐘..雖然會幾累但因為我比人慢開始學..所以加緊努力...