點解d男人放工咁鐘意去飲野?

我自己係男人，所以有d明白妳先生既心態

其實樓上好多位已經講出，男人出去酒吧飲野吹水，其實好正常
有時工作上面遇到一d唔如意/激憤既事，或公事上的煩惱，
同老婆講，真係未必明白你，一味只係支持/同意你，有時係唔夠
我有時公事既野積存好多壓力，都會同朋友去糖水舖吹水
有時出去尋求下人地既意見，或者天南地北咁亂吹一通，放鬆番
先至會回復番工作既沖勁

其實妳先生問題未必咁大，食完飯先出去飲下野，又唔飲醉、無影響工作
只要佢唔係晚晚都三更半夜番黎，其實都無傷大雅
至於怕佢出事，我覺得妳有d太緊張~
要出事，邊度都可以出事，去食糖水都可以食上床，返工都可以變左去返大陸
咁妳係唔係唔俾佢番工?睇妳先生有無自制能力既o者
兩個人一齊講既係互信，妳信任他才會嫁給他，不是嗎?

至於妳想報復去約人，我覺得心態上不太可取
如果妳都覺得大壓力，需要搵朋友放鬆下，我個人認為並無不妥
但如果妳既心態係諗住出去玩報復自己老公既，我覺得好大問題囉
妳咁做，只會令妳丈夫感到反感，從而增加佢既壓力同對妳既不信任
小心婚姻因此出現裂痕！

如果妳丈夫出去既問題令妳覺得無法接受，我建議妳最好心平氣和坐低慢慢傾
尋求一個雙方可以接受既共識(如一星期最好出去唔超過幾晚、幾點前最好返等等)
你既大方體諒，好容易換到丈夫的感激！發脾氣唔係一個好辦法

其實，一個識得返屋企既男人已經很不錯，做不到的人彼彼皆是
忠告妳:"勿因為一些可以解決的小問題，影響一段得來不易的婚姻！"

~祝你婚姻幸福~

我講的不一定對，有錯請多多指教

(p.s.有興趣想再搵人傾下，可以e-mail俾我)

男人同男人都無問題，如果返大陸揼骨食飯再飲酒都唔係問題，但同男人同男人老婆一齊去飲野？仲要係比男人老婆灌男人飲酒？你地會唔會覺得有問題？

我都結過婚，男人和女人不同，女人婚後比較照顧老公及仔女，跟朋友少見面，
男人剛剛相反，他們一樣會跟朋友娶會，成班男人出黎傾計，你有無發覺到，
拍拖時，都係男人戴埋個女友出黎，跟埋ｄ朋友一齊去玩，結左婚都係，男人
一樣同朋友出黎傾計，女人比較顧家，男人未必好似女人咁諗

女人去街多數都係行街，但男人大多數坐係度傾計，飲下酒，去酒吧
夜總會，等等埸合，我老公以前都係咁，我一個人放工回家照顧個仔，
但老公就同ｄ同事去左酒吧，我都會唔開心，男人幾累都好，有時為了
面子，會應酬朋友，娶一娶，唔想係朋友面前比人話佢怕老婆等等說話，
加上他又有壓力，男人多數都喜歡跟同性朋友傾，他累只係身體上，但精神
上要減壓，所以要出去吹下水，我認同柔安娜:回答者說的話

就算沒有壓力，男人一樣會同朋友去酒吧傾計，好多男人都係咁，
佢地唔同女人，女人較會將ｄ時間比左家庭，老公仔女，但男人唔同
結左婚同未婚都要應酬朋友，佢地大多數都要面子，當然有了家室不
能次次如是，一星期三晚都算多，你可以同佢傾下，同佢約定一星期
不要三晚都外出，很想他回家培自己，男人多數都愛飲酒，所以都會去
酒吧，未婚同已婚都一樣，男人活動同女人唔同，不要因為咁同老公吵架，
會唔開心，我以前都係夜總會做過，我見好多結左婚有太太仔女都照去
玩，好的是你老公只去酒吧，男人天性好色，酒吧ｄ女會唔會令你老公
著迷，好看男人自已，又要你對佢有信心，有時擔心不來的，不要想太
多，别說婚後，拍緊拖既男女都一樣，時間耐左，男人都唔想成日對
住個女人，都想培下朋友，男人係咁架喇，佢返到屋企又見到你，
唔同女人，為有想開ｄ

以下只係參考書籍加上身邊夫妻朋友的相處方法，所得出的個人結論。

其實可以試下咁諗，有時候，女士們放工後其實可能都好攰，但又可以有精力同朋友行街shopping，食飯睇戲......咁佢地嘅精力又係邊到嚟呢?

減壓的確係有好多方法，可能係打機，做運動，瞓覺......但對於你老公來說，佢只係揀咗去酒吧同朋友飲嘢吹水為佢嘅減壓方法。工作累，其實只係唔想對住、唔想思考工作上嘅嘢，但唔代表冇精神、冇精力去消遣。

酒吧又冇時間限制坐幾耐，又可以同一大班朋友一齊聚下。而且有啲事唔係下下都可以同到做老婆嘅你講得到。男性喜歡同男性吐苦水，係因為佢地思考方式一樣，都係用理性思考。而且佢又怕講完俾你聽你會唔明，或者又怕你會話佢教訓佢，而唔係支持佢。所以先找朋友傾。而且，唔係個個男性都善於表達自己嘛！

其實你知道佢係同朋友去酒吧飲嘢都好好，最怕係佢冇同你講佢去邊啫。
如果你真係唔鍾意你老公晚晚出去飲嘢的話，不妨問下佢關心下佢同朋友傾咩，或者同佢直接講你嘅心底話。不過，緊記要心平氣和，用你最溫柔嘅態度和方式去講，如果唔係，因為這些小事而導致吵架就唔好啦！^^加油喔！

首先我是女性,但我都明白小小男人心態:
1)工作累, 收工應該立即想返屋企架?
多數男性都會認為返屋企只可比佢身體放鬆,但精神上未必可以,因為每個家庭背景都唔同,例如:回到家好嘈,因為子女多。回家地方太少,有壓迫感。回家老婆係耳邊喋喋不休,好煩。等等好多原因。

2)壓力大吹水減壓有好多種方法姐, 一定要去酒吧飲野先得咩
一班大男人係放工果個時間唔去酒吧吹水,難到去公園做維園亞伯?因為好多男人都顧家的,要返屋企食飯交人,佢地只求小聚,吹下水,忘記今天工作的不快,希望帶個靚靚心情回家,酒吧就比度佢地的要求了。

但男人又分好多種,有些不喜歡吹水,放工就會即時返屋企,但有些比較喜歡吹水,就會選擇去酒吧,其實如果老公能準時返家(飲野後),又沒有飲太多(酒始終傷身啊),我覺得沒有問題的,但你要留意一樣野,就係酒吧入面有些女郎,如果處理不好,有問題就大件事了,當然這只係小部份。

我自己認為結左婚既男人係比較唔鍾意痴家
因為覺得會同班fd少左見面既機會
男人見面吹水話題不外乎女人, 錢, 屋企個老婆/女朋友
而且男人與男人之間既友誼係約出黎傾計個隻
唔似得我地女性鍾意拎住個電話黎傾
男人覺得應該要面對面講出黎先係表現到男性既豪氣
所以無論有幾累有幾大壓力, 佢地都會鍾意約出黎去飲野吹水
而且基於男性要面既性格
覺得唔應該係女人面前表現軟弱的一面
所以如果依個現象唔係太離譜既話
偶爾比老公出去發洩總好過對住妳發洩嘛

其實妳有冇唸過係佢唔想回家對住妳呀？
工作壓力大同人吹水減壓係正常嘅，但唔係差唔多晚晚放工都係！！！
妳自己係唔係都好夜放工呀？所以佢一個人返屋企都無意思？

可能佢返屋企唔想交代給家人今日點點點, 因為無共鳴,同同事放工後便輕鬆哂,又可說說今天辛苦野,有共鳴d.係出面又無旺管，自在d。男士唔同女士,女士天性心歸d,鐘意在家有安全感同自在.，男士往往喜愛表現自己,由其在同輩前。
每人應付壓力有唔同方法,放鬆d拉。希望幫到你.