想買two-way cake, 請問邊個品牌好用?(10分)

想買two-way cake, 請問邊個品牌好用?
圖片參考：http://hk.yimg.com/i/icon/16/33.gif

講真呀, 我以前都好鍾意用two way cake ...係貪佢~方便,快,唔駛煩...
但係而家呢, 我只會用two way cake 嚟出外輕輕補妝(只能輕輕...否則會越補越厚)
點解咁講呢?....係因為當妳試過用*濕粉+碎粉*這個組合後(當然要選啱牌子及妝前打底要做得好)....
妳會覺得分別會好大的呢, 效果真的會靚過凈用two way cake 好多陪...

我用過好多個品牌...那就介紹其中一部份啦:
two way cake~
Estee Lauder~WhiteLight EX extra brightening
夠薄....幾易推開...搽咗唔覺......顏色都算自然...粉質都算幼...比較乾身啲...但遮唔到瑕...補妝時會有啲"cake"粉..控油ok

Ingrid Millet ~
夠薄....易推開...搽咗唔覺...粉質幼細,顏色自然...但遮唔到瑕...控油一般

Shisedo~
厚粉...幾覺搽咗粉...粉質不幼細...遮到瑕...控油麻麻

Kanebo~
最新出ge base 同 two way cake 我用過,控面油都幾好,
又好簿,如果諗住簡簡單單化小小淡妝都試得過咖

Covermark~
遮到瑕...但厚粉...粉質不太幼細....上粉後唔keep得耐...補妝時都會有d"cake"粉..控油一般,影相用啱d.

Sofina~Fine Fit
相比之下Raycious好好多

Sofina~Raycious
自然...但遮唔到瑕....控油ok....但搽咗睇落輪廓先明啲...但補妝時記住要輕輕力
(我而家都仲用緊佢...但只用嚟間中補妝...濕粉+碎粉+防晒+妝前打底我都用Sofina~Raycious的)

其實每個人skin都唔同...真係要慢慢選擇ga
圖片參考：http://hk.yimg.com/i/icon/16/1.gif




2007-01-11 18:09:28 補充：
lancome 既 two way cake我都有同事用過,,顏色自然,不過睇落厚粉

你岩岩先學化妝,我同意買two-way cake 方便d 同容易d ,
如希望學好化妝, 一定要實地學習同多練習,
最重要是有導師指導, 知道自己那些未掌握.
其實, 一般2 way cake當碎粉用時, 顏色是ok,
但當濕粉用時, 顏色會白一點,
你上面上多掃一次乾粉就應該會自然d.
如你有興趣學一次免費的化妝指導的話.
我可以提供一些免費化妝課給你,
同時可以試試那些顏色適合自己.

想了解多d, 可e-mail--- [email protected]

講到好用covermark 既two-way cake係最好用 covermark natural fix power pact uv n-00 ,佢好貼面,唔易溶妝,cover 度好高,因為covermark 既粉底專為雀斑,敏感皮膚人士自設ga~~~,即使冇雀斑都可以用,COVERMARK 係香港都有成40年既歷史,雖然貴咗D,BUT 日日化妝個盒粉餅可以用半年-九個月左右,都幾襟用GA~~
LANCOME 唔係唔好用,不過你用過COVERMARK 既2WAY CAKE 之後你唔想轉用其他品牌
chanel&ipsa ,我覺得一般好用啦,CHANEL比人感覺好成熟
laneige係好貼近東方人膚色,不過,我用完之後,有少少皮膚敏感

COVERMARK: natural fix power pact uv n-00($300左右,海港城FACESS,SOGO銅鑼灣店,SOGO尖沙咀店,連卡佛時代廣場,尖沙咀西武,旺角朗豪坊西武,金鐘太古廣場西武,海防道屈臣氐)
LANCOME ($200左右,廣東道連卡佛,SOGO銅鑼灣店,SOGO尖沙咀店,連卡佛時代廣場,尖沙咀西武,旺角朗豪坊西武,金鐘太古廣場西武,九龍塘又一城,沙田新城市廣場,國際金融中心)
CHANEL($200-$300左右,海港城 ,SOGO銅鑼灣店,SOGO尖沙咀店,連卡佛時代廣場,尖沙咀西武,旺角朗豪坊西武,金鐘太古廣場西武,沙田新城市廣場,國際金融中心)
IPSA ($200-$300左右,廣東道連卡佛,SOGO銅鑼灣店,SOGO尖沙咀店,連卡佛時代廣場,尖沙咀西武,旺角朗豪坊西武,金鐘太古廣場西武,沙田新城市廣場,國際金融中心)
laneige ($200-$300左右,柏麗大道,旺角新世紀,沙田西田百貨公司)
我好比心機打GA~~~,希望解決你既問題啦


2007-01-31 21:40:16 補充：
我自己都有lancome ,唔係你所講咁厚粉,你冇用過唔好亂咁批評lancome 既products ,你個同事重手得滯丫

我覺得chanel同ipsa 都不錯,d 粉幼細, 搽上去好貼又薄d, 冇咁易出面油。
佢地2個牌子有好多唔同function既2way cake, 大約200 -250蚊, ipsa 要買埋個compact case, 約100蚊。
如果平d 又效果唔錯, 可以試laneige, 佢既2way cake有好多人都話好用, 有d 明星都推介過架。可以一試。
covermark 係好,不過覺得好貴, 唔抵買呢。