國際學校一問

香港大大話話都有40幾開國際學校，比較知名d既有香港國際學校、德瑞國際學校、法國國際學校、漢基國際學校、加拿大國際學校、耀中國際學校、基督教國際學校、美國國際學校、澳洲國際學校、英基屬下既學校等等

香港既教育制度都係依英制去作出改動，所以想搵差唔多既可以揀d英制既學校，例如英基既學校，英制既學校大致上都係要係year11(中五)考一次試如IGCSE/ GCSE，year1(中七)考一次IB/ AL

叫11班、12班依d都係名姐，其實就係國際學校依d年級係由小學開始計起，小學6年再一直計落去，所以中一就叫第7班，中五叫第11班。程度分別就可能國際學校部份科目既程度會低d，例如中文(如有)同maths。好多國際學校都有外語俾學生學，仲可以俾佢地以外語作為second language(第二語言)去應考d國際試

學費當然就唔係使宜啦，由最平既$78600(英基)到最貴既$140800(香港國際學校)都有，個差距都好大，不過大部份好既學校都係10萬以上。英基既學校就唔洗買債券，但係其他大部份都要既。會收插班生，但係要好高難度，除左英文要好，其他科目同面試都要表現得好好，多數國際學校如有其他國際既passport會優先考慮，但係無論如何依家先報會真係遲左d，可能真係要等人放棄學校先可以俾到係waiting list等緊既學生

成績偏差仲想轉去國際學校？比較難喎！因為國際學校係全英語授課, 仲難跟得上！