✔ 最佳答案
因為實在未見過你真人, 所以好難知你著咩 style 係最合適。 以你的身高 (如果唔係肥仔的話) 其實好易著衫, 有以下建議:
1. 牛記笠記加最興的sneakers (eg. converse) 係最"安全", 不過冇個人character, 你出去MK 銅鑼灣成街都係。其實著衫最重要係件衫個cutting 同埋料靚, 著上去效果已經好唔同, 但唔代表貴同埋名牌就一定好。其實而家比較大眾化的brands 如giordano, uniqlo 的design 及quality 都有進步, 可以買來作mix-and-match, 睇多啲時裝雜誌, 的確有幫助。
2. 著衫忌花里花碌: 雖然你有時都會見啲人襯會得唔錯, 但係全身一個focus 都冇, 似christmas tree。身上顏色最好少過3種, 就唔會有呢種似 "活動聖誕樹"的感覺, 你見gap就係一個好例子, 簡單幾件衫襯起上嚟好 simple 好clean, 而且唔會一年就out
3. 配襯品: 例如頸巾、鏈、帽、皮帶。如果你嗰日冇咩心情打扮, 只要加一兩件配飾已經可以令整個image dress-up, 所以配襯品係一項投資, 可以畀多少少買一兩件質料好的配襯品
4. 要著得好, 其實唔需要太大花費。你見啲人成日買衫, 其實歸根究底係佢地根本未搵到一件真正鐘意又啱自己嘅衫, 又或者盲目追逐潮流。諗一諗, 諗清楚自己係邊一類人......