急!!見工問題~~~

要成功見工，需要有好多準備，唔係淨係知道佢地問咩就夠。

"你會請一個可以答到你既問題，但貌似一個污穢不堪的乞丐做員工嗎?"
(並無任何歧視成分，只是平心而論)

"工欲善其事，必先利其器"
聰明既你一定聽過呢句話，但，你有實際做到嗎?

面試要準備既事項好多，大致可分為外表到內在︰

外表方面:首先由自己的body入手，不是要你整容，不是要你身材"標青"
而是，你需要一個整齊、乾淨而企理的外表
一把乾淨整齊的頭髮、一排名亮整潔的牙齒、一個經過悉心洗浴的身體
甚至連指甲、外露的毛髮(如鼻毛、腋毛)都剪理整齊。

衣著方面，要視乎你所見工種而定，一般要做到既，係斯文整齊
如果你要見一d文職既工作，
男的甚至應該西裝西褲恤衫打呔皮鞋，女的應該穿上斯文的套裝裙

"有人會說:有必要這麼隆重嗎?"
要！這不是隆重，是尊重，一間公司會否聘用一位職員，見工時給人的第一印象非常重要
將會直接影響你見工成工與否。
一個人全身上下乾淨整齊，已經可以令人感覺你神采飛揚，充滿攝人的魅力
相反，標奇立異的髮形(包括顏色)、服裝、污糟的身體，邋遢的外表...
只會給人一個不良的印象，甚至因此而忽略你的工作能力。
所以首先，必須要擁有一個整齊的外表，就是平時也應該保持這個水平。

"知彼知己，百戰不殆"
其次，就是要了解自己及該公司/工作的性質及背景。

要在見工時表現自己，突圍而出，要的，隨了外表，還要談吐。
不要忘記，你去面試，人家對你並不了解，要讓面試官對你有好的初步了解
一篇精心設計的自我介紹必不可少！
在自我介紹內，除了一些簡單的個人資料外，一些有利於所面試工作的資料亦不可少。
如學習過一些與工作相關之技能，一些相關的工作經驗。
自我介紹最好分為1分鐘、2分鐘、3分鐘、5分鐘、10分鐘既版本，以備不時之需。
(好少有過10分鐘既，除非佢對你好有興趣，想比較清楚了解你)


如果可以既，最好準備定該行業/職位既資料，同面試公司既背景
因為你了唔了解呢個行業/職位，可以作為釐定你需多少時間熟悉工作的標準
同時佢地亦會從呢類細節睇到你係一個準備充足/充滿經驗之人
你成功既機會將會大增！

同時，你要設身處地假設一堆可能會發生既問題︰
(如︰點解應徵呢份工?你覺得呢份工點解適合你?突發事情處理方法(自己假設)?
呢份工有咩發展空間等...)
能夠假設面試時會被問既問題越多，你成功既機會亦會越大)

現在，你已經裝備好自己，係時候小心一d面試前/面試時既細節啦！
1.帶備足夠的文具(筆、改錯帶、剪刀膠水、甚至係一部細小既電子字典)、
相片、學歷/工作證明/證書、金錢、地圖... 及一齊你認為相關既物品。
2.預定好前往見工的路線及預定出門之時間(最好能於約定面試前15分鐘到達，早作其他
準備，如填表等...)
3.由即將到達面試之公司開始，要保持良好的言行舉止，最好不要吸煙，以免留下煙味。
(保持禮貌、多講唔該、保持微笑等...避免被面試官留下壞印象)
4.到達面試公司後，要注意自己之儀表，如腰要坐直、雙眼別四處張望等...
5.進入面試室前，應先敲門(如適用)
6.進入面試室後，見到面試官，應先微笑點頭/輕輕鞠躬，等其示意再入坐
7.面試時，盡量望著考官的眼睛說話。
8.聆聽時，亦應保持望著考官的眼睛說話，及間中點頭微笑，以示意正在專心聆聽。
9.面試時，不應有小動作(如托頭、不斷換腳蹺、手亂郁)，
如怕手部有不自覺之小動作，可把手放在大腿上(以面試桌遮掩)
10.面試完畢後，應先對面試官表示你十分希望進入此公司(如︰希望能夠為貴公司服務等)
然後輕輕抬起/推回坐椅，再微笑點頭/輕輕鞠躬，才離開面試室，輕掩室門。

"謀事在人，成事在天"
就算準備充足，面試亦不一定成功，因需要視乎對手之能力及表現
就算一時失敗，亦不需氣餒，應吸收經驗，改善自己不足之處，積極裝備自己
以期待下一次有更好表現。

"成功非僥倖"
凡事都要付出努力，才有機會獲得豐盛之成果，唔好諗住求其就可以成功
這就是為什麼我可以在120人才請1人的面試中，擊敗其他學歷經驗均比我好之人的原因

(以上係我個人心得，打左好耐，用心d睇，袋錢落你袋呀~)

都無正面答問題,例如:自己又應該問番D咩？
淨係講外型都寫左一半咁滯,如果IN一啲細公司根本唔需要著套裝,
咁樣人地反而唔會請,我覺得著咩應該睇番間公司;囉~~~
"工欲善其事，必先利其器"
講左一大段道理都唔知做乜!人地係想解決問題,你就係度講人生道理,要人反醒!
"成功非僥倖"我都知,撞正眼綠啫~~話唔埋120人當中,有50人係想做暑期工,50人係高齡/比想像中更高人工(公司俾唔到呢個待預),19係一啲奇奇怪怪,九唔搭八既人,呢啲人大把.........

咁當然要預備介紹自己，仲有佢可能會問以下問題：

你點解會應徵呢份工？
你點解覺得自己適合做呢份工?
咁多人來見工，你覺得自己有咩優勝於其他人？.
如果遇倒一個麻煩客人無理取鬧，你會點？(佢會舉例俾你處理)
你既優點同缺點。
你對呢份工有咩期望?