下體分秘物

由於懷孕, 體內賀爾蒙的改變, 下體會有白色或淡黃色的分泌物排出, 你的下體由懷孕前的酸鹼度3.5升至約5.5(懷孕中), 間接令細菌容易滋生, 若這些分泌無惡臭或令你痕癢, 只需保持下體清潔乾爽就可以! 以下是懷孕期間下體清潔的特別注意事項:

1. 就算有好多分泌物, 都不要用護墊, 因為護墊是膠底, 令下體密不透風, 容易滋生細菌, 引發陰道炎﹑尿道炎﹑膀胱炎或最嚴重的盆腔炎; 我駝我個大仔時就是用護墊, 攪到下身經常發炎, 重大劑到盆腔炎, 最後都要食o左成個星期藥至好番, 我駝個細仔去檢查時, 個婦產科醫生千叮萬囑唔好用護墊, 我至知點解我果時成日都發炎!
若分泌物呈紅色或啡色, 乜都唔使講, 即刻去睇醫生或入急症室!

2. 穿著棉質或抗菌內褲, 一來吸汗, 二來透氣通風, 減底受細菌感染機會!

3. 不要用消毒劑(如滴x﹑沙威x同灌洗劑)清潔下體及灌洗陰道, 唔好以為咁就好乾淨衛生, 咁做係大錯特錯, 雖然下體(包括陰道內)係有細菌, 但同時都有益菌存在, 益菌係會有效咁抑制有害細菌滋生, 若你乜菌都殺晒, 反而重容易受細菌感染而發炎, 平時只需用普通沐浴露或女性專用衛生沐浴露清洗就可以, 不需過份清洗; 如果分泌物刺激到皮膚痕癢(不是發炎, 發炎係清洗完都好痕), 只需用清水沖洗就可以解決問題! 若果有病, 就緊係即刻去睇醫生啦!

4. 同老公行房時最好帶套, 避免若真係下身發炎, 而發生的交叉感染, 無論你用唔用套都記得行房後要清洗下體, 保持清潔!

最後想提醒你, 若生病或下身發炎或痕癢, 勿亂用成藥, 應該去睇醫生, 再由醫生處方藥物給你, 因為唔係每種藥都可以係懷孕期服用, 有d藥會對bb有害, 有d甚至會令bb畸形或流產! 請小心保重身體!

祝你生個健康小寶寶!

白色同淺黃色是唔怕架...
因懷孕期間,我地會分泌出一d白白地同淺黃色既分泌物...
有時仲會帶有甜甜酸酸既味道...
因為我地有左bb,個荷爾蒙分泌會有變化..所以要小心d...
注意返下面既清潔..我依家有左9w..就用緊某一牌子既清潔液..
個隻野好似沐浴露咁用法架者...都ok架..你不如都試下買隻用啦..
因我聽人講依家我地陀住bb會好易發炎架...

仲有啵..如果係淺黃色就無問題...但..留意如果係啡色..
就要小心..因為有啡色野流出即係作小產...一定要睇醫生架...
我自己就係流左兩個星期..打左成4成安胎針(依家仲差最後一支針未打)
不過我就聽醫生講..依家好多人都係咁會作小產..好平常..
只要休息多d就無事架喇

如果沒有臭味,是正常的,不用太擔心,保持心情開朗.