防止牛仔褲甩色

我最主要想講o既係
鹽真係可以幫助染料上色
但係只限於直接染色同活性染色！
牛仔用鹽水浸係一d作用都冇！呢樣野要緊記！
我唔想錯誤o既訊息一直流傳落去。
因為牛仔indigo上色主要係用燒鹼同保險粉
同鹽一d關係都冇，所以浸鹽水係一d用處都冇

你想佢唔甩色？
話你知！根本就冇可能！
因為牛仔上色o既原理其實就好似你油灰水咁
要一層一層咁上色
但係又冇野可以將佢固色
所以你一磨擦就會甩
越黎越淺色
如果你真係好想唔甩
咁唔係唔得........錢囉！
有某大化工廠推出indigo o既固色劑
但係貴到不如你買過條好過
仲有喎！有錢都未必係百份百添喎
都仲係會甩，不過甩個程度可以接受咁解咋喎

其實如果真係要洗有冇實際d減慢甩色o既方法呢？
有...........

第一︰一定唔可以用熱水洗，熱水只會加速甩色！
第二︰反轉條褲洗，反轉條褲可以減少磨擦褲面，減慢甩色速度。
第三︰盡量用手洗。因為用洗衣機洗會增加洗衣機與褲面磨擦機會，而且洗衣機可能會將水溫升高。
如果你完全係懶人一個，完全唔想用手洗
我建議你將條褲反轉，仲要將所有拉鍊拉好，將所有鈕扣好，之後最好搵條尼龍繩穿起d耳仔，鎖住個褲頭等佢唔好有機會反出黎。咁就最穩陣啦！

不過最後建議都係少洗同用手洗囉！
信我啦！我做呢行的！唔會點你o既！

牛仔褲唔好著一次就洗
我有朋友買左返黎就唔洗
怕甩色唔靚
不過衛生問題你就要考慮
我建議不是污糟就著幾日先洗
因為牛仔褲愈洗愈淺色
都幾快變淺

你亦可以反轉佢先洗
冇甩得咁快的

其實jeans 唔駛成日洗, 你每洗一次color 就會淺.
如果唔係太dirty你可以試下風乾同晒..

但係通常都係用係貴野度, 平野, 著爛買過條吧!