點解我隻貓朝朝都舐我架,又用前腳踏黎踏去...

其實你隻貓貓真係好愛你，我隻貓要我按摸好耐先舐我一兩吓咋！

以我所知（我有兩隻貓，屋企人有四隻），牠地既天性係夜晚狩獵既，所以夜晚先係牠地既世界，個段時間牠地係最活躍既，同埋牠唔同狗，比較野性，獨立好多，呢Ｄ天性咁牠咪理少Ｄ你囉！

2007-01-09 09:36:08 補充：
唔記得答：前腳踏黎踏去－因為牠地細個時係要用呢個動作去刺激貓媽媽個乳房，話俾媽咪知牠地要飲奶！係一個好親蜜既動作，雖然依家牠唔洗飲奶，但仍然會保留呢個ＢＢ時期既動作，即係ＤＡＤ你，好似愛媽媽咁愛你！你要好好珍惜牠，要好愛牠，你等於牠既全部，雖然牠平時好似好ＣＯＯＬ，其實最在乎你呢！

佢係咪成日朝早無野食,所以咪上黎叫醒你,叫你比野佢食=_=
有時我隻貓係咁....

前腳踏來踏去係代表佢好舒服咁解，佢只會嚮冇人/最信任既人面前踏架咋。
我隻貓貓成日對住我踏我 d 公仔、軟綿綿既被，跟住好舒服咁懵眼。

朝朝定時舐你係叫你起身。
我隻貓貓叫我起身既方法唔係用舐，而係嚮我頭頂苗苗叫，每朝準時八點正。

佢用隻手拍你係想叫你起身...你有隻咁好既貓..真係你既福氣^v^

我本身有一隻狗, 佢每日朝早大約8 點就會係咁吠. 之後我醒左佢就會走左去訓覺. 一個星期七日, 每日八點, 都走去我床頭叫我起身返工!
我諗你隻貓同我隻狗一樣唔忍心睇見自己主人遲到, 先走黎幫你一把叫你起身!

而貓o既性格同狗分別好大, 狗會好熱情當佢地睇到自己主人!
相反地貓係比較cool, 佢見到主極其量都係打個招呼就走.