曾在亮碧思留下個人資料，會有後遺症嗎？

我男朋友又是給小學同學拉了入會, 還要給了亮碧思 $5000大元, 他沒有告訴我, 在我追問下得知他這消息, 我像發了瘋似地打電話罵他的小學同學, 其實我男友已被洗腦, 但因為見我這麼激動最後都退了會, 但只拎回$4500。

照我所看你現在的情況, 因為你還沒有付錢聽他們那些講座, 又未付那$5000大元, 所以你現在走還來得切, 那些資料他們不會用來做什麼的, 只是個個月寄些無聊的月刊給你罷了。記住千千萬萬不要給他們任何錢呀! 到你拿回自己手上的時候已經打了個折!!!雖然我跟你毫不相識, 但我都不想你好像我男友一樣無端百事不見了 : 講座 $200 + $500(想拿回錢必須被他們首先吞了的錢) = $ 700大元!

雖然他們不會拿你的資料做些什麼犯罪事情, 但他們有可能會冒你的簽名簽署其他文件, 這個發生在亮碧思的案例我在網上看過, 以下你可以跟著做:


「俾受害人o既第一個貼示:
首先去金鐘政府合署十三樓度查冊(聽講可以網上做, 但我會建議你親身去, 因為o個度o的職員可以解答倒你好多問題), 而且查個冊影埋印都係幾十蚊.

點解要查?
因為我覺得o的傳銷黨十個著o左九個係表面好風光, 其實係窮到燶. 佢o地只會搵o的最cheap的死人商務中心及所謂會計師去幫佢o地買o的死人空殼公司去用o黎去搵水魚. 而佢o地為o左省錢好多時候冇根足香港o既法律去做足每一步, 所以呢o的死人空殼公司o的註冊資料係不清不楚o既.
根據合約法, 合約o係某o的情況下可以被認為無效, 去查册可以睇o下個上線:
1) 有冇做足文件, annual return之類
2) 所謂賣俾你係咪只係加一頁文件(好似叫D2)將你寫成公司Director. 上面有網友講o左, 如果上線同下線o既買賣協定係話成間公司賣的話, 但結果只係變o左director(呢度可能太深, 最好搵個對會計好熟o既人幫你睇). 咁就有可能係行騙. 或者係夠料去踢個買賣deal.
3) 搵佢手上其他公司o既痛腳, 有冇交足年報? 有冇搵核數師報稅之類? (但傳銷人多數為o左慳錢或者真係唔識而會有好多痛腳俾你揸倒.
如果你搵倒個上線痛腳, 以去稅務署告密為條件去搵上線講數 (但只係可以麻到佢要洗一大埋錢甩身).

我冇點大家o架! 受害者真係值得試o下, 駛幾十蚊可能幫你換返你失去o既錢.

給受害人第二個忠告:
當你發現查册文件有問題. 第二步就係o係o的文件(13樓度印返o黎o個o的)度搵個所謂"會計師"出o黎. 你只要當時心諗住呢班人蛇鼠一窩 走上佢會計師樓度嘈, 又話要報警又話佢夾埋傳銷黨呃人. 總之兇到佢驚你為止(但你要之前同你自己o既會計師或律師朋友傾清楚先.

咁做有咩用?
令會計師出賣你上線, 一五一十咁交代更多資料俾你. 你就可以有更多武器對付你上線.

香薰傳銷有一個手法, 就係俾一大埋o野你簽但係唔俾返份copy你.
佢o地咁做係為o左可以唔俾你知發生咩事, 甚至係冒你簽名.

o係你不停咁去查返晒o的文件出o黎o既時候, 你如果發現有人冒你簽名咁就恭喜你

因為冒人簽名就係我一直講o既9x%告得入o既刑事罪, 警察一路就係等緊呢o的case, 必然會全力咁樣去煮死你上線.

我就係發現我朋友o的查册文件度有人冒我朋友簽名做董士. 計劃o左一晚之後搵佢上線講數, 個衰人起初扮鎮定, 一個轉頭(問o左法律意見)知道唔俾錢就坐硬監. 即刻轉口風. 結果轉頭即刻過錢俾返我朋友.」

最主要而家你有冇俾過信用咭或銀行戶口俾佢，做自動轉賬呢？

同埋你知唔知自己簽過乜文件呢？

如果有俾的話，咁就立刻取消過戶口，可以避免佢係咁過數，幫你買貨

而文件就最好攞返份副本，起碼知道自己簽過乜文件

而文件就唔好亂簽，其實，你死都唔簽的話，佢地都奈你唔何

希望下次你會小心一點

與其坐以待斃，不如坐言起行!
問題一日唔解決，你的心就不放心，最好的解決方法是問你的小學同學，究竟將你的資料用來幹甚麼.
加油啦，祝你早日解決。