男友病左...想煮粥俾佢食丫...但又係入廚新手喎...白粥都未識^^""幫幫手

嘩好溫柔的女朋友，以下係本人既手藝，唔係網度抄，試過好就揀我啦。

學左白粥先啦，我建議唔好太杰的。
1. 買珍珠米或者潮州米，兩人份大約半杯米
2. 洗淨（淘兩次水）
3. 用水浸半個鐘
4. 倒左浸果d水
5. 落一茶匙油同半茶匙鹽，攪勻
6. 加入十倍既水
7. 大火煲，此時米好易「痴底」，要慢慢但不停咁攪，並留意感覺有冇「痴底」。
8. 滾後收中小火煲大概一個鐘左右，間唔中去攪吓佢。
咁樣煲，粥d米會開花、食落至會密綿綿

好味d既可以落白果同江瑤柱。
白果係(7.)時加；
江瑤柱要事先浸溫水一小時，再用手撕成一絲絲，係(7.)時加。

配腐乳或者煎蛋好好味架。

如果你想落其他料，我建議係病人食，少油冇骨為佳，因為方便入口。
買隻雞，叫賣雞既人斬件，去皮去油，用鹽腌一個鐘。
一個鐘後雞已入左味，用水洗淨至雞表面冇鹽
到（7.）落埋隻雞。（步驟5唔使落鹽）

一小時後（即步驟8），撈起兩隻雞肶，放入雪櫃，凍左之後用手撕成條，備用。
食時，棄雞骨，只「筆」出d粥，再加入雞絲加熱食得。

嗱，煲瘦肉粥啦！
材料：猪梅頭肉(去肉檔可買到叫佢切成肉片)，
準備：肉片洗淨用豉油、油、粟粉醃好，取三滿湯匙米水在清中浸半小時待用，切數小片薑待用，
開始煲粥：普通電飯煲放半煲水将浸好的米放入後按煮飯制，煲至水開時會有水泡沫湧出別怕，輕將煲蓋放側些少给透少许氣就可，第二次出泡時將所有材料倒進至煲好，
小贴土：亦可買些排骨用少许盐醃一个晚上與切粒红罹白同煲成排骨粥，可惜未知貴友何病不然提供一些合適食療粥品，但亦可向家中長輩问詢如上法去煲即可。
附註：醃料以茶匙作標準，豉油粟粉等各一匙即可，若不是煲粥用电飯煲亦可煲粥但佢若不自動跳制你見粥已好拔去電制就O K，"小心盪手！！！

你先把米用水濕３０分鐘，再用少許油攪一攪，之後水滾落米，煲３０分鐘就可以啦，你可煲完粥，落５蚊，碎肉煲１０分鐘，落少許鹽，就得啦．

2007-01-08 22:43:10 補充：
你見到D粥，開始杰，就是煲完了，先用大火煲滾落米，之後再水滾，用中火，差不多煲完，落碎肉，大火，等D粥收水，杰身．落碎肉之後記得睇火呀，小心煲燶呀，時不時攪吓佢呀．

2007-01-08 22:43:13 補充：
你見到D粥，開始杰，就是煲完了，先用大火煲滾落米，之後再水滾，用中火，差不多煲完，落碎肉，大火，等D粥收水，杰身．落碎肉之後記得睇火呀，小心煲燶呀，時不時攪吓佢呀．

粥其實最難都係控制火侯je,
要煮有味的粥同煮白粥的難度應該一樣


以下有個超簡單食譜:

雞肉粥


雞肉粥

材料： 雞肉35g、
白飯50g、
紅蘿蔔25g、
牛奶60ml。
製法： 1. 將雞肉洗淨，切片。
2. 紅蘿蔔洗淨削皮，切成片狀或條狀，視乎個人喜好。
3. 雞肉、紅蘿蔔、白飯和牛奶一同放入鍋中，煮滾約10-15分鐘，以鹽調味即可。

調味： 鹽少許

2007-01-08 22:33:46 補充：
放牛奶可以令粥稠d滑d更易入口,不過如果你接受唔到放牛奶入粥度,唔放都可以家~ ^^