為什麼洗去衰氣要用碌柚葉沖涼呢？

在中國傳統裡,
柏葉、柚葉乃陽剛之樹,正氣之葉用以驅邪擋煞,
人們用柚葉沖涼用以驅走身上陰邪之氣及霉運,
但有一點須注意, 柚葉必須放進熱水中, 待香氣散出才有效,
因為相傳柚葉的氣味能避邪驅陰,

其實碌柚葉、跨火盤都只不過係一種象徵性儀式, 順應一下傳統。事實上冇一定嚴格規定要點做既, 但求心安理得就可以。你睇下d鬼佬都冇呢d野, 咪又係一樣咁過。

不過都試下將我所知講一下:

通常, 最簡單係去紙札舖, 同佢地講你要買d野驅走d衰野, 要跨火盤, 如果你唔介意, 可以講埋原因佢知, 佢地自然識得執d乜野俾你燒, 仲會教埋你點做。

盤, 乜都可以, 燒唔著就得架喇, 冇特別要求。

禁忌都冇乜, 誠心啦, 呢樣幾時都重要。

程序: 通常可以連埋拜神一齊做, 當係酬謝神靈, 俾機會重見天日, 以後會好好做人, 要準備d野拜下(例如: 雞、燒肉、生果等), 拜完哂, 酬完神(詳細可以問紙札老闆), 就用個盤化左d野, 然後放在門外, 跨過入屋, (之前一路唔好入屋, 唔好帶衰氣入屋), 然後沖涼。咁就ok.

碌柚葉: 有時街市生果檔會有, 有時紙札都會有, 你可以問下。