小狗不食嘢! 很擔心!!

你唔洗太担心，我個衰仔都係咁，同你狗狗一模一樣，佢得六個月大，當我只比狗糧佢食時，佢就一跳咁跳開，好似比屎佢食咁，但我一開罐頭，佢就真係餓ｘ搶ｘ咁，佢地開始大個識揀野食，如果我只放乾糧佢就一粒鐘都食唔晒，食兩啖就跑返出去，過三個字見到碟糧又食兩啖，咁我就抽起唔比佢食，餓多陣再放狗糧佢就食架喇！唔關天氣凍唔凍事，天氣凍更加要食飽個肚，你唔好將狗既食物座得太熱，佢地聞到食物熱都唔食架！同埋六個月大以上既狗狗開始轉為一日一餐，不過你都可以比兩餐既，我個仔知佢唔食會比我收起，佢就作狀都要食ｄ，如果你認為你而家餵既糧佢唔鍾意食，你可以試下轉另一隻啦！更何況你都話有時會比紅蘿白溝糧食，齋食糧佢梗係唔多ｌｉｋｅ啦！

如果你驚佢肚餓，你長期放一碟糧等佢有得食囉，佢地一餓就會食架喇，唔洗太担心！

講咗等於冇講.

有d小狗品種是不太喜愛食野的, 好像約瑟就是. 另有些小狗因為知主人太緊張它們不食野. 所以就用不食野的方法吸引你注意.

如果是因為想引你注意關心不食野,你可以放下狗糧後就不理它,之後如果都不食就半小時取去狗糧,我不suggest長期放狗糧,因為會令小狗認為幾時都有得食.

如果是因為品種或本身性格問題,你可能真的要一粒一粒餵它食同可能要d營養補品給它補充返.

我朋友的小狗之前都很like食野,不過有段時間又不想食,之後做完desex後就變回(餓狗搶屎). 七個月可能已經有性的需要,你可以想下會唔會是lee個煩惱令它不肯進食. 當然desex唔desex可能又要考慮其它因素的. 最後可以的話帶它去vet 檢查下,因為長期不進食就算沒病對可能身體都不好的.

希望你的小狗快d做返隻(餓狗搶屎)的寶貝啦!!

你之前有無開過罐頭比佢食？
如果有就可能佢食到個咀"雕"，唔鐘意食乾糧。

你可以試下去D寵物店問下有無邊D牌子有試食庄，買D返去比佢試下食唔食。
(細細包may be 只夠食一餐，你要買多幾種牌了及味道)

首先，打齊針未？
大小二便正唔正常，D便便靚唔靚？
如果佢肯食零食飲水，便便又正常&靚既話，即係腸胃冇問題，唔需要太緊張。

狗狗呢段時間會偏食，忍心D餓佢兩日，連零食都唔好比佢，齋比水。過兩日之後，再比糧佢食，但唔好放長糧，放低5分鐘唔食要即刻拎走，等佢知道佢唔食就會冇得食，一兩日就教得掂架喇。

不過一定唔好心軟，心軟就難教架喇！！

2007-01-08 17:39:52 補充：
千其唔好隨便轉糧，狗狗會因為唔習慣而屙。

你可以先試下將啲乾糧混合濕糧之後搵熱水座暖佢(記住吾好太熱, 暖就可以)再比佢食, 但我覺得你隻狗好可能已經染病, 因為大部份既動物係吾舒服就吾想食嘢 ! 如果真係你最好快啲帶佢去睇醫生啦 !

應該同天氣無關，天氣凍佢應該會食多0的野，如果佢唔係病(因為佢無流鼻水同呵嘔)就唔驚。因為狗好快會食厭一種食物，可能佢對呢隻狗糧厭倦了。唔使擔心，可以係狗糧度加一些(少少好啦)烚雞肉，佢就會食了。記住唔好加多，如果唔係佢就以後都唔食糧啦。每星期加一至兩次，咁隻狗又會健康0的，胃口會好0的。

天氣凍，人都唔想動啦，何況狗，呢個情況好正常。我家的狗只會係床上呼呼大睡，連我叫佢都唔出被窩。

2007-01-08 17:31:53 補充：
還可以試下每次佢食完正餐就獎一些零食俾小狗，好似氹小朋友咁就可以了。

他不鍾意食此糧