請問怎樣夜景人像最自然呢?

以下係小弟使用多款唔同相機的經驗:

1. 首先, 好似上面幾位提到, 腳架是必須的, 就算無腳架都要有穩固之硬物可供長時間固定相機之用.

2. 之後就係到曝光控制方面, 你部相機可以全手動, 建議使用最低之 ISO 50 或 100 就好, 用 M mode, 收細光圈至 f/8, 你要先試拍一兩張無人像的背景去確定最佳之光圈快門組合. 確定好之後就唔好亂咁轉喇.

3. 相機當然要開閃光燈, 據我所知幾乎只得 Canon 高檔一點的 DC 如 G 系列機先有閃燈輸出調節, 所以我假定你的閃光燈係固定輸出. 一般 DC 的固定輸出閃燈有效範圍會係 3m 左右, 千祈唔好俾個人企得太近相機, 否則閃光後人像會爆光, 你會見到個人光到非常唔自然, 企到離相機 2-3m 就會好得多. 白平衡設定方面設位閃燈白平衡.

4. 之後就可以拍攝喇, 拍攝時要留意, 因為背景暗, 曝光時間長, 所以要叫被攝者係閃燈完結後唔好立即郁動, 但要被攝者保持姿勢太長時間都唔太可能, 所以
上面 step (2) 的曝光控制方面, 盡量keep 個快門時間少於 3 秒, 你可以較大少少光圈 (因為 DC 仔景深本來就好深, 光圈大一點都影響不大), 又或者提升少少 ISO (要以不超過 ISO 100 為限, 否則會多 noise).

5. 可以開始拍攝了, 不過記得要使用 2 秒或 10 秒自拍倒數才按快門, 否則你按快門制再放手的一剎那相機便會震得很厲害.

2007-01-12 01:10:37 補充：
補充: 唔建議使用光圈先決模式 (A mode) 原因係夜景時周圍環境太暗, 背景有光部份太少, 相機會將曝光值提高好多去補償, 結果就係令背景燈光爆晒光, 所以我先叫你用 M mode 去自己調節想要的背景效果.

可全手動的DC 的話,個人角度已經好好,接近一部單鏡機能做到既野
我有個方法,要腳架,不過有位放定定都可以
使用ISO200, 好似平日咁影,但選為光圈先決,令光圈在許可的快門下,選用最細光圈,若有腳架就選到最細,快門不理,就利用閃光燈補光
我部A95一向都選用四分一的輸出,可是我都仍覺佢太光,要補光的時候,就用手提遮住佢一半或以上,光度就自然大減,最後就多影數張,不同火圈,iso及遮閃燈多少,DC就最方面可立即睇番,試多一兩張就會約略知道個光度,之後影既就唔會相差太大

你想影到一張靚靚仔仔的相是一件好事，但係有好多功夫要做，唔舍你女朋友等唔等得。

1.夜景一定要用腳架，無論你個shutter幾快都好
2.試下唔同的iso先，咁你就知邊種效果係你最想要
3.唔用flash及背光其實都幾難，對一個新手殷講
4.好似之前果位咁，check white balance都好緊要，但係通常日頭用，因為日光同光管的色溫有唁同，影出黎的主體會偏色。
5.唔知你部機有冇防紅眼，有的話開左會好些少。
6.自己帶一支燈去影，不過對dc黎講就有d誇張
7.較大個光圈，同較慢shutter，咁你影的主體就會光些，但係留意盡量避免有任何運動物出現，如有者必會出現blur效果。
講住咁多先，有唁明再問，希望幫到你。

你白平衡有沒有閃光燈,影夜景人像一定要用晁光燈,個人先會光d,一定要用腳架,dc腳架100-200 都有,快門最好唔好過4秒,如果唔係個人可能會移左位,使d個唔清,最好用自拍功能,可以減少手震

影夜景最緊要係用腳架
你部機係全手動o既DC, 就可以開夜景模式, 依個時後, 部機會用較長既快門影,
如果唔用腳架就好易會手震.

如果可以, 將iso較大d, suggest 400(視乎你部機, iso超過 400, noise 會太大, 變得唔靚),

閃光方面, 除非你女友塊夠光, 如果唔係, 一定要開閃光,
如果閃光太光, 可以較細d閃光(睇下你部機有冇得較啦)