大阪 + 東京 7天自由行

我去咁多次日本除左第一次係跟團，其他都係自由行，時間方便ｄ，同埋所有野都係自己安排，跟團有好多地方都未必想去架，就算去Disneyland or Universal Studio 都可能只得半天時間，而且日文有好多漢字，所以去到果邊都唔係話真係咁難，你去書局買關於呢Ｄ架書同埋去到睇清楚Ｄ車（火車／地鐡先好上就好簡單），基本上就一定冇問題！我係同priceline買package架!

大板我住過心齋橋Comfort Hotel,都好乾淨，係就細左少少，但係行街就好方便，係車站行過去就遠左ｄ啫！東京可以住池袋太陽城太子，落去下面行多兩步就係ｓｅｇａ條街！

Day 1 香港→關西空港→難波→道頓堀（係香港去關西架航空公司唔多，而且多數都係夜機去，若果要係東京返架話，仲只係得cx, jal, ana，但係就一定要加錢）
Day 2 環球片場→心齋橋（２０：００－２１：３０就會開始關門架啦，所以係環球片場要就返少少時間，最好就係佢一開門就入去玩，不過同ｄｉｓｎｅｙｌａｎｄ一樣唔好揀星期五六日去，好迫人架）
Day 3 大阪城公園（可以早ｄ起身，去左呢個公園先，因為好日本ｆｅｅｌ）→新世界大溫泉→新幹線→東京（車程大約三小時多，但係幾點開車就要去到車站check）
Day 4 台場（可以買agnes b.,台場agnes b.雖然係細，但係我發現係仲平過出面少少架）
Day 5 Garden Walk 幕張Outlet(Disneyland下一站，但係若果行程只有七天的話就唔多夠時間行呢個Outlet)→Ｄisneyland
Day 6 新宿→原宿→上野（有間叫"二木之菓子"買手信，但係呢間野係１８：３０就關門架啦）→池袋ＳＥＧＡ,100yen shop......etc
Day 7 可以係酒店附近行下之後先再出機埸，成田空港→香港

我既經驗覺得跟團抵過買PACKAGE
其實計番條數一樣,買PACKAGE可能更貴,不過就自由一D.

PACKAGE會好ｄ～
安泰旅行社～