性格懦弱，身體差 - 有咩工作適合呢類型既人去做??

💰 財經台其他 - 商業及金融

[匿名]

2007-01-08 7:22 pm

請問：

一個體質差，性格又懦弱既人，應該搵咩工作黎做好？？？

中五畢業，女仔。

係依個弱肉強食，耳濡我詐既社會，應該點生存落去好呢？？？

請幫忙俾少少意見！！！

ｔｈｘ．．．

ｐ．ｓ．　我而家好迷茫，唔知前路應該點行。

回答 (9)

wan

2007-01-08 8:10 pm

✔ 最佳答案

好老實呀, 樓主, 只要你涉足任何世界, 就一定有壓力, 亦都會比好多人欺負, 呢樣野係無得變既

衰的講, 就算你做作家, 只係屋企做野, 一樣有讀者讚 / 彈你, 篇輯追犒, 雜誌停刑呢的問題

因此, 我反而想你改善自己既性格

既然你明知自己懦弱, 就試下發言, 講你知, 就算你講咩野, 一樣有人讚成, 亦有人反對, 唔會有一件事係全部人都讚成 / 反對既, 正所謂曹操亦有知心友, 關公亦有對頭人) 就因為人既多樣性, 而形成呢個複雜而有趣既社會, 你無論點避, 都一定避唔到.

因此, 只要自己知是正確的事, 直接去做就可以了 (你睇下巴士阿叔, 佢夠無理啦掛, 不過自己講野時, 一樣覺得自己站在道理的一邊), 信守自己所信守的原則 / 承諾, 努力做好每一件事, 勇於面對不確的一切, 自信, 就由此而黎.

*** 其實你見到自己既弱點, 亦出 post 問人, 亦有想改變既想法, 如果一改變, 就一定會面對好多難題, 只要你衝破呢的難題, 你就覺得呢的野不值一笑

建議你改善既方式如下 : -
- 了解自己 --> 接受自己 --> 改善自己

** 不可一步登天, 不可期望今天一改變, 明天就會有新既環境, 亦不可因有負面反應而卻步, 你有冇進步到, 身邊既人係好直接感受到既, 努力 ^^

而另外, 工作方面, 如果身體弱, 試下做運動, 否則我都覺得你適合文職而少戶外 / 勞動的工作.

*** 信我, 你並唔係唯一害怕面對世俗的一人, 我亦害怕, 每天我亦怕有不開心事發生 / 壞消息傳來 / 工作不順利 / 友人因我說話而反面, 但, 無論你想驚, 你面對既事亦唔會有絲毫改變, 與其如此, 倒不如積極面對, 你會發現情況會不斷改善既 ^^
*** 努力, 只要肯做, 一定進步 ^^ ***

參考: 自己

👍 0 👎 0

Leo

2007-01-09 7:28 am

不如試下網上工作,沒有固定上班時間,如有興趣,可email給我 [email protected]

👍 0 👎 0

Wandy

2007-01-08 10:54 pm

唔好標籤自己!
體質差,我冇野講!but,性格懦弱?
唔好成日諗住自己性格懦弱!
思想影響行為,行為影響結果!
you know?
你講得冇錯!
呢個社會就係咁!你改變唔到!
咁你就應該去改變你可以改變到嘅野!
就係你自己!
你都知你懦弱啦?咁就應該改啦!
連你自己都覺得你懦弱啦!咁其他人就唔洗問啦!
仲唔食硬你?
唔該你!每日一起身!就同自己講"I am the king of the world"
我係最強嘅!!
請你搵個你覺得強又叻嘅人做對象,學下人地!代入人地個角色,
人地講嘅每句說話,想一想點解佢會咁講!
之後可以搵個人,做你心中嘅對手,你要超越佢!
初初搵個easy d嘅,慢慢同你的對手進步啦!
你比其他人強!自然信心強!
搵工?
easy job!
請提升你自己!

2007-01-08 17:43:11 補充：
樓上講得好岩!"只要肯做,一定進步"努力go go go!!!!

參考: 我自己

👍 0 👎 0

用戶21401

2007-01-08 8:03 pm

比較適合的工作是一些不需要付出太大體力和不需要接觸太多人的工作，例如：寫作、文員、祕書、設計 (譬如：服裝設計、室內設計等) 和藝術創作等。

👍 0 👎 0

用戶99116

2007-01-08 7:58 pm

樓上都講得啱既...普通文員算係最適合。
可惜事實上寫字樓工大多都係人事複雜、工作繁忙...
講真嗰句，體力、性格堅強都不可少，我咁講唔係話想打擊你...
你都知里個社會係弱肉強食架啦﹗只有你改變自己去遷就社會，而不是社會去遷就你，希望你明白這點﹗
體格差不只影響工作，還影響生活、社交。可以的話，盡量嘗試漸進式咁做運動，食多點有營養的食物、戒絶垃圾食物。錢銀許可的話，最好睇下中醫及適量進補。作息定時，不要過於操勞。我相信這對改善體質皆有幫助。
我都知江山而改本性難易，性格懦弱，通常伴著缺乏自信。你要多點留意身邊事物、進修一下，多與他人溝通，增強溝通技巧，從而增自信。遇事時，冷靜想辦法處理，並預計後果，當你對未來有點預算時，你就沒有這麼害怕了。
希望能夠幫到你﹗
你的未來是有希望架﹗﹗

👍 0 👎 0