獨資經營的職銜

有一樣野要搞清楚，獨資經營法律上係無咩意義。簡單既分類係有限公司和無限公司。

雖然你無講清楚，不過根據你登記個名黎睇，你所開既係無限公司，事關有限公司個公司名要寫明"有限公司"，不過有限公司除左正式名之外重可以改多個 trading name，而呢個 trading name 後可以不須要"有限公司"呢幾隻字。

1. 如果你已經印左卡片，恐怕你要重印，事關無限公司係無董事呢樣野。無限公司等於你自己，二者合而為一，你就係公司，公司就係你。所謂董事係有限公司負責主管營運的最高層，而有限公司既實際擁有人係股東。

2. 法律上係點我唔敢講，不過實際用起上黎，給個圓印叫做俾對方證明收左貨或件。好多時收貨都無話每件貨都check清楚就照給(件貨好貴另計)，貨真係有問題都俾電話供應商叫佢換左件黎。不過做好d就當然加番。

3. 可以，不過一定要根商業登記証果名，但係如果你登記只係中文名，個印一定要有中文，英文情況一樣。

4. 開頭講左。

2007-01-11 10:26:15 補充：
如果你係一間無限公司，法律上你同你既公司係無分別，你就係公司，公司就係你，你叫咩無所謂。但係如果你開既係有限公司，咁你就係股東。公司同你係唔同，公司係獨立於你而存在，當你第日瓜老襯，你間公司係可以繼續存在。而負責營運有限公司既人就係董事。一般小公司，股東同董事係同一批人，但可以唔係。所以係無限公司，你走去同人簽合約，無話咩身份，你代表你自己，你就係公司，公司就係你~~如果係擔心人地唔信你，其實人地知你係細公司，你又同人斜重落左訂，人地理鬼得理你個title~~

1. 名片你喜歡印什麼職銜都可以.
2. 這樣整圓印可以.
3. 方印通常都是沒有中文公司名的.
4. 獨資經營, 和無限公司根本是說兩樣事情. 獨資經營是指你自己一個人開公司, 無同其他人一齊開. 無限公司的另一選擇是有限公司, 無限公司的好處是自由, 快速, 成本較低, 但要冒上身的風險.