成人學鋼琴, 有無我的煩惱? 有何心得?

我也是很大個很大個才開始學琴的，而且五音不全，平時唱歌都會走音，所以你的心情，我是很明白的。

老師肯唔肯一個月俾你學三堂，其實真係因人而異。好似我古箏老師，她是很不願意的，會影響她的收入嘛。但是我的鋼琴老師卻肯。我當初學鋼琴的時候，向老師解釋，我學開古箏己有好幾年，唔想放棄，但又實在很喜愛鋼琴，將來如果學得好，好想在教會事奉；因為要上班，又要練古箏，時間關係，可唔可以俾我一個月上兩堂，她話無問題。我覺得你可以將你的困難同你老師講，看看她能否遷就到你，如果佢唔得，你會唔會考慮一下轉老師？我老師不錯的，我覺得佢很能夠因應學生的能力特別係弱點去教。我一向拍子都唔好，唔係咁識數，但自從學了鋼琴，佢教我先放慢速度數著拍子彈，然後慢慢才逐步加快速度。學了鋼琴兩年，我覺得自己的拍子和節奏感好了好多，對彈古箏還有很大的幫助呢﹗

我覺得學學器，最重要的條件唔係你有沒有天分，而係你喜唔喜愛和你肯唔肯勤力練習；因此，如果你好喜愛鋼琴，而且盡力而為去練習，即使你沒有天分，也不要緊的。人家用四年時間學到五級又怎樣？跟人家比較是沒有意思的，最重要係跟自己比較，今天我未能戰勝自己的弱點，但我唔放棄，繼續努力，他朝有一天我勝過自己的弱點，就是自己的最大進步。同埋我老師話，羽翼未豐就趕住去考級係無意思架，就算俾你考到都唔代表你一定有那個級數的功力，寧願打穩基礎，彈多啲唔同的歌，超出了個級既的實力先去考仲好，既唔會浪費金錢又唔會浪費時間，唔駛為了考試成年剩係彈個三幾首考試歌嘛。我覺得佢講得好有道理，很值得我們這種初學者參考。

Beyer我現在彈到92，已經彈了就快1年半了。我很喜歡這本書，覺得不是太難，但要彈得好也有一定的難度。我老師也很著重這本書，她每次只會俾1-3條俾我慢慢練，貴精不貴多。

總之，你唔好灰心啦，既然你都花了四年寶貴的時間，就更加不要半途而廢。考慮下重整你學琴﹑練琴的時間，如果依家呢位老師配合唔到你，你係佢個度又學唔識數拍子，嘗試轉下老師，睇下會唔會有改善。努力呀﹗

呢位朋友,
以我第三者客觀角度去睇你,
你對自己係好有要求既, 係咪?
坦白講, 我都唔識彈鋼琴,
不過, 對於一個成年人黎講,
又要返工, 點都唔可以同一個小朋友從小開始學起去比較,
有冇天份呢d都係後話啦,
最緊要問清楚自己, 究竟有冇興趣去繼續學?
時間唔係一個問題丫,
有心學, 八十歲都難唔到你啦, 老友!
Anyway, 放低對自己既"要求", "輕鬆"一些去面對,
相信會事半功倍既....